الأربعاء، 12 أكتوبر 2022 - 12:48 م

كشفت الفنانة لوسي عن كواليس تعاملها مع ظروفها الصحية، حيث أكدت أنها تتوتر كلما تزيد في الوزن كيلو أو 2 كيلو.

وأضافت، في لقائها مع الإعلامية لميس الحديدي في برنامج كلمة أخيرة على قناة on e: «كلمت الدكتور قولت له ركبتي بتوجعني، قالي زدتي كام كيلو؟، قولت له كيلو، قالي ولا ربع كيلو، أنا بيجيلي جنان لو زدت كيلو أو 2 كيلو، وبطلع على الميزان كل ما أحس إني زدت شوية».

وأردفت: «آخر مرة زايدة بس مش زايدة، بلعب في زيادة 3 كيلو، وبحب الطبخ زي القطايف والكنافة، وسلطة الفاكهة والأرز باللبن، فأنا بشوف إن الجسم محتاج كل حاجة، فالجسم بيطلب إنه ياكل حاجة حلوة».

واستطردت: «بعمل حساب للزمن، وبكلم دكتور التجميل وأقوله في حاجة في وشي مش مظبوطة، وبعتبر إن دي حاجة طبيعية، فدي عوامل الزمن، وفي ناس بتكبر قبل سنها، ونصيحة ياريت نزعل بحساب عشان منصابش بجلطات أو أمراض مزمنة».

لوسي بتخاف من الزمن والسن، وبتروح لأطباء تجميل؟.. شاهد الرد ونصيحتها للمشاهدين#كلمة_أخيرة pic.twitter.com/7NqzoowIdT

— ON (@ONTVEgy) October 11, 2022

وكشفت لوسي، عن اسمها الحقيقي، حيث قالت إن اسمها الحقيقي أنعام، وتابعت: كنت في معهد البالية وأنا عندي 9 سنين، وبعدين اتخنقت مع أنه حاجة عظيمة لأنني كنت عيالة، وعايزة أتنطط، وكنت غاوية اللعب والحركة من وأنا في المدرسة.

وأضافت: أمي كانت بتناديني بلوسي، واسمي الحقيقي أنعام، ولوسي معناها المضيئة أو المنورة، وأمي كانت بدلعني بلوسي.