السبت، 05 نوفمبر 2022 - 09:31 م

كشف أحمد سالم، الشهير بـ"المطرب النقاش"، كواليس رفض مشاركته في الحفل الختامي لمهرجان الموسيقى العربية مع الفنانة أصالة قبل يوم واحد فقط من الحفل، رغم مشاركته في البروفات مع أصالة.

وقال، خلال مداخلة هاتفية ببرنامج "آخر النهار"، مع الدكتور محمد الباز، المُذاع على قناة "النهار": "جالي مكالمة من مكتب الفنانة أصالة، وقالوا لي عاوزينك تحضر معانا، والفنانة عوزاك تحضر حفل ختام مهرجان الموسيقى العربية في الأوبرا، وأنا اتبسطت جدا، وشرف كبير أطلع جنب أصالة، وفعلا روحت وحضرت البروفة في الأوبرا".

وتابع أحمد سالم: "قبل الحفل بيوم واحد فقط، يعني يوم الأربعاء، اتصل بي شخص من مكتب أصالة، وقالي أنت عندك مشكلة مع الأوبرا، ومش هينفع تطلع على المسرح بكره، ولما حبيت أعرف وروحت الأوبرا أسأل قالوا لي المهرجان هيبقى فيه الوزيرة وشخصيات كبيرة، ومش هينفع تطلع عشان أنت اسمك مش مصرح بيك تدخل".

وأردف: "الحمد لله على كل شيء، وربنا شايل ليا الأحسن، واللي أنا فهمته أن الفنانة أصالة عملت معايا كده ومكنش عندها خلفية إني لازم يتم عمل التصريح ليا، وعملت كدة عشان تقف جنبي.