الثلاثاء، 08 نوفمبر 2022 - 08:27 م

قال الشيخ خالد الجندي عضو المجلس الأعلى للشؤون الإسلامية، إن الفراعنة أعظم الناس إيمانًا بعد الأنبياء.

وأوضح «الجندي» في تعليق خلال برنامجه «لعلهم يفقهون»، والذي يعرض عبر قناة «دي إم سي»، اليوم الثلاثاء: «الأغبياء مش شايفين غير فرعون وجنوده، اللي ربنا غرقه، مش شايفين مؤمني الفراعين، امرأة فرعون كانت من الفراعنة وهي سيدة نساء العالمين».

اقرا ايضا|الجندي: كل أمة فيها كفار ومؤمنين.. واحنا من السلالة المؤمنة بالله

وأضاف: «هناك مؤمني آل فرعون اللي ذكروا في سورة غافر، (وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ)، مش لازم تكون فرعون اللي غرق، لازم تكون من نسل الفراعنة اللي نجوا برحمة الله وتوحيدهم لله».

وتابع «الجندي»: «حد شاف إيمان زي إيمان سحرة فرعون، مش دول كانوا فراعنة، رغم تهديد فرعون لم يرجعوا في إيمانهم، هل نسيتم ماشطة ابنه فرعون اللي ابنها تكلم في المهد، مش الماشطة كانت من الفراعين، هما دول الفراعنة، اللي البعض بيقول عليهم كفرة ومشركين، اللي غرقوا هما اللي كانوا».

وأكمل: «ولكن الله كتب النجاة للفراعنة المؤمنين الذين خلدهم في القرآن، هتيجوا النهارده تعايروا المؤمنين بأنهم من الفراعين، إحنا سلالة فرعونية مؤمنة بالله، رحمة الله كل واحد من أسرة آل فرعون كان من المؤمنين، سيدنا محمد كان من قريش اللي منها أبوجهل أبولهب».