الأربعاء، 23 نوفمبر 2022 - 12:54 م

تحدث طليق الفنانة هالة صدقي سامح زكريا عن انفصالهما، وحقيقة رفعها قضية طلاق ونفقة، قائلاً: سعيد أني رسمت البهجة على وجه هالة، وأنا اللي رفعت قضية الطلاق على هالة صدقي وأنا اللي شيلت المنع من السفر للأولاد.

وأضاف خلال تصريحات تليفزيونية، أن هالة صدقي هي اللي طلبت اللي تكون الولاية التعليمية معاها، وبعدها بأسبوع رفعت قضية نفقة عليا بأرقام فلكية، ومقدمتش ولا مستند للمحكمة، وجابت 2 شهود زور، وأخدت أعلى حُكم نفقة في العصر القديم والمعاصر مليون و300 ألف كل سنة.

وتابع: هالة مقدمتش ولا مستند للمحكمة وجابت 2 شهود زور البواب وواحد صديقها مسافر خارج مصر، وشهد إني كل يوم بركب عربية شكل، ومرفعتش عليها قضية طاعة وكنت حابب إننا ننفصل بهدوء، ولكن هي اللي أصرت على المحاكم.

وأشار قائلا: أنني كنت عامل ليها توكيل رسمي شامل عام  لكل البنوك عام 2012 بكل أملاكي وأرض بـ 8 مليون جنيه.

وأضاف: طب إيه لازمته أني أدفع النفقة وأنا لا بكلم ولادي ولا بشوفهم؟، مشيراً إلي: أنني أنا كنت اللي بعلم الولاد السباحة والفروسية، وعشان أطلق هالة طلاق كنائسي لازم أغير ملة أروح ملة تانية في المسيحية.

واستكمل حديثه: هالة صدقي زرعت الكره في العيال لأبوهم وغيرت تليفوناتهم، وخلت الأولاد أسمائهم يكونوا على اسمها بنتي اسمها مريم صدقي.