الإثنين، 28 نوفمبر 2022 - 08:28 م

أكدت الإعلامية مفيدة شيحة، أن هناك أمثال شعبية يرددها البعض كل يوم ليس لها أي صلة بالواقعة، ومجرد كلمات تتناقلها الأجيال دون أي فائدة.

وأضافت شيحة مقدمة برنامج الستات، المذاع عبر قناة "النهار وان"، مساء اليوم الإثنين، أن :"لو صابعك وجعك.. متقطعوش .. عالجه.. تقطعه ليه العنف دا.. دا صابعك أنت.. هتتعصب على نفسك وتقطع في نفسك عشان اتألمت؟ مش دي حاجة عجيبة بالذمة؟ العقل والرحمة.. استوعب نفسك وألمك وتجربتك.. وخلي مخك كبير على أد جسمك". 

وتابعت مفيدة شيحة: "لما تتلسع من الشوربة.. ليه تنفخ في الزبادي؟، دا معناه إنك ما استفدش من التجربة.. معناه إنك بتغلط أكتر من الأول.. وبقيت شكاك ومتوقع المخاوف في كل حاجة، والمعقول أنك تستفيد من التجربة وتنتبه للحاجات السخنة.. السخنة.. مش تنفخ في الزبادي أو تنفخ في التلج؟".

وأكملت مفيدة شيحة: "اللي ميشوفش من الغربال يبقى.. عاوز يشوف أوضح.. عاوز يحقق و يدقق و يشوف كل أجزاء وتفاصيل الصورة.. ويكون رأي و وجهة نظر متكاملة! ، وحبيبك يبلع لك الزلط.. ليه يا بابا.. ليه تحب واحد و تأكله زلط ، وهل دا حب ياناس ؟ يااخي اكرهه.. ياريتك محبيته وتسيبه في حاله!! الله الغني عن زلطك و حبك!!". 

وانهت مفيدة شيحة: "اللي رقصوا ع السلم.. ممكن يتشافوا ويتسمعوا ويشتهروا أوي كمان.. الناس داخلة في حياة بعض بكل سهولة.. متطوعين إنهم يعرفوا كل حاجة عن بعض ودون هدف!!، والضحك من غير سبب.. قوة وذكاء وإيجابية وتفاؤل.. ممكن يكون الضحك قلة أدب إزاي؟ أومال النكد يبقى إيه.. ثم  ما عيب إلا العيب معروفة!! ". 

اقرأ أيضاً .. مفيدة شيحة: «الراجب سبب النكد»