الأحد، 18 ديسمبر 2022 - 07:12 م

قالت الفنانة إيمي طلعت زكريا، إنها تتابع أعمال والدها الراحل دائمًا وتركز في تفاصيل العمل الفني، مضيفة: "بشوف التفاصيل وأركز فيها جدًا واعرف ليه كان بيعمل كده في كل مشهد، وخاصة تفاصيل صوته وحركاته، وفي أبناء فنانين كتير مش بيقدروا يشوفوا والدهم أو والدتهم بعد رحيلهم لكن أنا بحب أشوفه وحتى لو في التلفزيون لازم اتفرج على العمل كامل، وبحب اسمع صوته دايما لأنه واحشني".

من جانبه، قال شقيقها الفنان عمر طلعت زكريا خلال استضافهما ببرنامج "السفيرة عزيزة" المذاع على قناة "dmc"، أنه شارك في مسلسل "نصيبي وقسمتك" في الجزء الرابع، متابعا: "أنا أنتمى للإنتاج بشكل أكبر وأنا بشتغل مدير موقع تصوير، وشفت رحلة طلعت زكريا ومعاناته، وهو بيشتغل وهو مريض، وبدأت اشتغل معاه وأنا في إعدادي وقالي هتبقى مدير أعمالي".

وتابع الفنان عمر طلعت زكريا: "أنا فضلت العمل خلف الكاميرا، ومعرفة تفاصيل التصوير والإنتاج، ووالدي كان بيساعدني ويعلمني، ولما كبرت شوية قالي أنت لازم تشتغل في الإنتاج، واشتغلت معاه في أكثر من عمل وشاركت مع والدي في فيلم مصري مغربه اسمه إخناتون في مراكش وحقق نجاح كبير في المغرب".

اقرأ أيضا: ريهام عبد الغفور تتغزل في والدها: مصدر الحنية والأمان