الجمعة، 23 ديسمبر 2022 - 10:19 م

حلت المطربة المعتزلة زيزي عادل ضيفة عى برنامج "كلام الناس" المذاع على قناة "إم بي سي مصر"، لأول مرة منذ اعلانها اعتزال الغناء لأنه "حارم"، وتحدثت خلال الحلقة عن الأسباب التي دفعتها لذلك القرار.

قالت الفنانة زيزي عادل: "لما كنت مطربة وقبل الاعتزال كان شغلي الشاغل اللايكات والفيديوهات والحفلات واللبس وهاعمل شعري ازاي واسم الأغاني واكتشفت حاجة مهمة إني مش هاخد معايا في لقاء ربنا حاجة من دول".

وتابعت خلال لقائها: "مش هاخد معايا حاجة لما أقابل ربنا غير أعمالي، وكنت عايزة بيني وبين نفسي أحس أني مستعد للقاء الله، وخصوصا بعد موت ناس صغيرة على معرفة بيهم في فترة كورونا".

وتابعت زيزي : "اكتشفت أن الموت ملهوش سن ومفيش حاجة اسمها بدري، وهذا كان سر خوفي واعتزالي الغناء لأني مكنتش مستعدة اقابل ربنا ".

ولفتت: «علشان أغني لازم اعمل فيديو كليب واستعين بموديل يطلع معايا وهطلع وفيه قصة ولابسه لبس معينة وحاجة غلط بتحصل في النص، وعلشان اقول كلام اغنية فيه حب أو هجر أو عتاب فهذا به تحريك مشاعر للناس اللى بتسمعه، فهي الفكرة كلها حرام».

و واصلت: «وعلشان اطلع أغني على المسرح لازم البس فستان واتحرك مع الموسيقى وارقص، وده طبعاً حرام، وفيه حاجة كانت بتجنني في الحفلات، وهي موبايلات الناس اللى بتصور من زوايا معينة وبيجبني ويعمل زوم على الحتة اللى هو عايزها عشان ينزل الفيديو ويكسب حبة لايكات او فولو، فكنت معرضة اتصور علي كل موبايلات الناس وأكون مباحة ومتاحة لكل الناس وده حرام»

وعن ملابسها والحجاب: قالت زيزي: «طريقة لبسي بعد الاعتزال اتغيرت وبقيت محتشمة كتير، لكن ينقصني الحجاب بس، وان شاء الله قريب ربنا يقويني يعلى الخطوة دي».

وعن دور الداعية مصطفى حسني في اعتزالها، أوضحت زيزي عادل: "اخترته لدعمي في قرار اعتزال الغناء لإني بحب اسمعه وبتابع فيديوهاته من قبل الاعتزال، وبحب كلامه وهو بيتكلم عن التسامح وأمور إيجابية جدا، وبيقدر يوصلي المعلومة بطريقة حلوة وهو كلامه مريح".

يذكر أن زيزي عادل من مواليد 26 أكتوبر 1987، بدأت حياتها المهنية عقب تخرجها من معهد الموسيقى العربية، تعلمت على آلتي البيانو والقانون خلال دراستها بمعهد الموسيقى العربية.

كما كانت بدايتها الفنية مع برنامج المسابقات "ستار أكاديمي 2" عام 2004، وانضمت إلى شركة "روتانا" وأصدرت أول ألبوماتها بعنوان "واحدة طيبة" عام 2007، كما أصدرت ألبومها الثاني "وعد عليا" عام 2009.

أقرأ أيضاً - «سأعتزل».. ميرهان حسين: الوسط يعطي فرص لناس معدومة الموهبة من جنسيات