السبت، 31 ديسمبر 2022 - 05:37 م

حلت الفنانة والراقصة نجوى فؤاد ضيفة على الإعلامية مفيدة شيحة، مقدمة برنامج "الستات"، المذاع عبر قناة النهار مساء اليوم السبت، وكشفت خلال الحلقة عن تفاصيل جديدة عن حياتها الخاصة.

وأكدت أنها تعشق الذهاب لمسجد السيدة نفسية ، موضحة: «أنا اذهب للسيدة نفسية منذ الصغر، وأمي كانت تاخدني من إيدي وتروح لها واللي اقدر اعمل خير بعمله هناك». 

وتابعت نجوى فؤاد، أن السيدة نفسية أساسي في حياتي، والذهاب إلى الحج شيء مهم، وكان لازم محرم معايا، وحبيت اخد أخويا معايا ولكن عرفت أنه ماينفعش". 

وكانت كشفت نجوى فؤاد منذ أيام، سبب خلافها مع الفنانة لوسي، وقالت: مش زعلانة منها بسبب الغيرة، لأني عمري ما غيرت من حد، والناس العادية وغير العادية بتحبني، وأنا ولوسي كنا قريبين من بعض، وحصل سوء تفاهم في موقف معين، وانسحبت من الموقف، وأنا أما أنسحب مش ببص ورايا، علشان أنا برج الجدي.

واستكملت نجوى فؤاد حديثها قائلة: مغلطتش في موقفي مع لوسي علشان أصلحوا، وهي غلطت فيا هي وآسرتها، أنا سمعت إنهم تعبانين، واشتريت شوية حلويات وروحتلهم، وكان معايا صديقة صحفية، وهي اللي كانت تعبانة، ونزلت البواب قالي دول في المستشفى، قولتله مستشفي إيه ومحدش رد عليا، وعرفت إن هما فوق نايمين، قولتلهم أجيلكوا وقت تاني وأتضايقت.

وأضافت نجوى فؤاد: ومش هي اللي قالت ديه واحدة شغالة صغيرة، طلعت سلم البيت لغاية الأسانسير، وأتجرحت جدًا، وكنت رايحه من قلبي، قوليلي قابليني في أي وقت مش كده، الموقف على بعضه مش حلو، لما أكون نايمة، البنات نايمة ممكن تتصلوا بعديها بساعة، وفي 100 اعتذار، ومكلمتنيش ولا أنا اللي كلمتها، ومش متضايقة إن مش بكلمها، ولوسي فنانة موهوبة ومحترمة، وممثلة درجة أولى ومعترفه بيها مليون في المية.

اقرأ أيضاً - مي سليم تهنئ رؤوف عبدالعزيز بحصوله على جائزة الأفضل