الثلاثاء، 17 يناير 2023 - 02:30 م

حرص أحمد سيد زيزو نجم نادي الزمالك على الاعتذار لجماهير القلعة البيضاء بعد الخسارة أمام بيراميدز في نصف نهائي كأس مصر في المباراة التي أقيمت أمس الإثنين على ملعب ستاد القاهرة.

ونشر لاعب الزمالك أعتذار لجماهير الزمالك على صفحته بموقع التواصل الاجتماعي «انستجرام»: 

«أولا الحمد لله وقدر الله وما شاء فعل، زي ما بتبقى مبسوط بالدعم والحب والمساندة لازم كمان  تتقبل الوجه الآخر السئ وهي دي ضريبة الحياة والمسؤولية تقدر تخليك في يوم أحسن واحد في الدنيا وتقدر تخلي الناس تنسى كل حاجة انت ممكن تكون عملتها، عشان كدة واجب عليا في المواقف والظروف دي اعتذر، عمري ما عرفت أهرب ولا أستخبى من أي حاجة ولا عمري هعمل كدة تقبل أو ترفض دا من حقك ولكن كان واجب عليا تقديم الاعتذار زي ما دايما بقدم الشكر على الحب قادر أتحمل المسؤولية كاملة وقادر كمان أعديها لكن خليكوا في ضهر ناديكم ولاعبيكم لأن في المواقف الصعبة بتبان فعلا معادن الرجال.. شكرا».

وأكد مرتضى منصور رئيس نادي الزمالك أن البرتغالي جوسفالدو فيريرا المدير الفني للفريق الأول لكرة القدم بالنادي مستمر ولن يرحل عن منصبه رغم خروج الفريق من بطولة كأس مصر عقب الخسارة من بيراميدز في نصف النهائي. 

وقال رئيس النادي في تصريحات تليفزيونية:" يا فيريرا اتقي ربنا فينا .. وكل اللاعيبة تلعب في مراكزهم، وكل اللاعيبة هتتحاسب والشللية هافكها ومش هاسمح بيها".

وكان فريق بيراميدز لتأهل نهائي كأس مصر بالفوز على نظيره  الزمالك 4-3 بركلات الترجيح في المباراة التي أقيمت بينهما باستاد القاهرة الدولي، في نصف نهائي البطولة، بعد انتهاء الوقت الأصلي والإضافي بالتعادل بهدف لكل فريق.
 

أقرا ايضاً|

بيان ناري من حسين لبيب للرد على مرتضى منصور.. «كفاية كذب»

زيزو بعد وداع الزمالك للكأس: «لازم نتقبل الوجه الآخر السيء.. دي ضريبة المسؤولية»