السبت، 21 يناير 2023 - 02:14 م

تفحص الأجهزة الأمنية ما تم تداوله علي مواقع التواصل الاجتماعي باختفاء مساعدة الفنانة منه فضالي بعد نشرها منشور باختفاءها منذ يومين بمنطقة الزاوية الحمراء بالقاهرة.

البداية عندما نشرت الفنانة منة فضالي، صورتها، عبر حسابها على «إنستجرام»، وعلقت قائلة: "صباح الخير عليكم جميعا أنا للأسف في موقف مش عارفة أتصرف فيه.. المساعدة بتاعتي اختفت وهي جايالي على التصوير من أول إمبارح، وكل ده أهلها بيدوروا عليها في المستشفيات والأقسام".

وأضافت: "آخر حاجة كانت راكبة أوبر، وكانت جايالي على المدينة بعدها تليفونها اتقفل ومن الساعة ٦ المغرب واتفتح دقيقة الساعة ١٢ بالليل معرفناش نعمل حاجة، واستنينا يعدي 24 ساعة علشان نعمل محضر".

وتابعت: "بعض المستشفيات هي مش موجودة فيها والواضح إنها اتخطفت وحقيقي أنا مش عارفة أعمل حاجة، ودي أول مرة معرفش أتصرف، فاللي يقدر يساعدني يبقى كتر خيره".

واختتمت منة فضالي: "هي ساكنة في الزاوية وللأسف معنديش تفاصيل لا رقم العربية الأوبر لأنها كانت مش ظاهرة ولا أي حاجة.. رجاء اللي يقدر يعمل حاجة يبقي كتر خيره".

اقرأ أيضا

خلافات أسرية وراء اختفاء طفل بحلوان.. والداخلية تكشف تفاصيل الواقعة