الثلاثاء، 24 يناير 2023 - 10:49 ص

عرض برنامج «صباح الخير يامصر»، المذاع على شاشة «القناة الأولى» تقريرا بعنوان «نموذج ملهم.. الحاجة انتصار تنشئ مسجداً ومحطة تحلية لأهالي قريتها وتقوم بإنشاء مركز طبي متكامل»، حيث قامت الحاجة انتصار بانشاء مسجد ومحطة للمياه لأهالي قريتها بعد أن قامت ببيع جزء من أملاكها، وتقوم الآن ببناء مركز طبي متكامل لأبناء قريتها «ميت موسى» بمحافظة المنوفية.

وقالت الحاجة انتصار «أول كان عمل خيري بالنسبالي سنة 1999، وبدأت بالمسجد وسلمته لأوقاف في سنة 2000 وبنيته في حوالي 5 شهور، وبدون صندوق تبرعات أو مساعدة، وبعت أرضي وتحويشة عمري علشان ابنيه، وفي سنة 2012 قررت أعمل محطة مياه معدنية للقرية، وعملت محطة مياه معدنية، واتبرعت بالمكان، ولكن أدوات المحطة كانت بجهود شباب القرية، واتبرعت بالمحطة وفتحناها في يوم 1/12013، وبعد يوم 1/1/2022 مرض زوجها وبسبب فصل الشتاء والطقس السيئ لم تستطيع أن تكشف عليه أو تصل لطبيب أو مستشفى».

وأضافت «لو كان وقتها البلد فيها مستشفى شغالة 24 ساعة كنا قدرنا نتصرف، وجوزي قالي خلاص لما هخف هعمل البيت مستشفى ومات يوم 24 فبراير من عام 2022، وتاني يوم قررت أنفذ وصية جوزي، علشان كان كل مشاريعنا خير، نحوش التحويشة ونعمل بيها مشروع خيري، والمسجد اللي بنيته بعت فيه 6 قيراط من الأراضي، تحويشة عمري وقتها وعلشان ربنا مرزقناش بالأولاد قررنا نعمل خير».