الأربعاء، 25 يناير 2023 - 09:28 م

قالت شقيقة النقيب الشهيد محمد جودة أول شهيد بفض رابعة، إن أخي لم يكن إنسانًا عاديًا، كل صفاته كانت بتأكد أنه شهيد؛ قبل عمليات الفض في رابعة محمد لم يكن مقرر المشاركة لأنه كان لسه راجع من مأمورية تأمين مقر أمن الدولة كان يوم الثلاثاء والمفروض الأربعاء إجازة له، لكن اتصلوا به عندما طلبوا زملائه بالاسم أن محمد جودة لازم يكون معانا، لأنهم عارفين أنه ضابط شاطر وشجاع وكل مأمورياته ناجحة.

وأضافت خلال لقائها التليفزيوني، "محمد أخويا إنسان جميل جداً بيحب شغله جداً طموحه عالي فيه، عاشق ليه، كان بياخد فرق كتير عشان يبقى أحسن وأحسن"، متابعة: "محمد أخد بطولات كتير وشارك في مأموريات كتير بعد ثورة يناير 2011، كان بيتعامل مع الإرهابيين بشجاعة لا توصف".

وتابعت: "كنا بنشوف مصر رايحة على نفق مظلم مع سنة حكم جماعة الإخوان، لكن أخويا وكل شهيد راح رجعوا لينا البلد وسابونا بعد ما اطمنوا عليها"، مضيفة: "محمد يشهد له كل قياداته أنه لولا محمد وكل اللي راحوا مصر كانت هتضيع، سمعنا من العساكر بتوعه قصص كتير عنه لم نكن نعرفها"، معقبة: "متخيلتش إنه ممكن يمشي ويسيبني.. خبر وفاته قتلني وعمري ما هسامح اللي غدروا بيه".

وأكملت: "يوم الفض كان محمد جودة هو قائد أول مدرعة نزلت وكان بيهتف في جهاز اللاسلكي باسم مصر عشان يحمس زمايله في باقي المدرعات، كان بيشدد عليهم ما يخوفوش المعتصمين، وكان بينادي عليهم ويعرفهم الممرات الآمنة عشان يخرجوا في أمان، وبمجرد ما خرج ووقف جنب المدرعة اخترقت خوذته رصاصة 9 ملي وارتفت روحه إلى السماء".

اقرأ أيضا | إدارة الحوار الوطني تهنئ الشعب المصري بذكرى عيد الشرطة وثورة ٢٥ يناير