الإثنين، 13 فبراير 2023 - 08:26 ص

جريمة بشعة هزت أركان بلدة الـ«مجففة» دائرة مركز ديرب نجم بمحافظة الشرقية، بعدما أقدمت زوجة في العقد الثالث من عمرها على التخلص من زوجها حرقًا دون أن تأخذها به شفقة ولا رحمة ووقفت تستمع لصرخاته وتشاهد نيران الموت وهي تحاصره.

التقت «بوابة أخبار اليوم» أسرة الزوج الضحية من مسرح الجريمة «منزل المجني عليه» للكشف عن كواليس الواقعة البشعة..

قال "أحمد خالد" شقيق المجني عليه: "أخويا «محمد » عمره 30 سنة متزوج من 12 سنة، وزوجته اسمها «عزة» في نفس العمر، وارتبطوا ببعض عن حب، حتى أنها تركت خطيبها بعد أسبوع علشان تتزوج أخويا، وربنا رزقهم بطفلين، ومش مخليها محتاجة أي حاجة وخلافاتهم دايما زي أي خلافات بين أي زوجين، لكن اللي حصل مع أخويا إحنا مش قادرين نصدق ليه تقتله وتحرقه بالبنزين مفيش سبب يخليها تعمل فيه كده، لو هي مش عايزاه كان ممكن تطلب الطلاق أو تخلعه".

«قتلته وولعت فيه»

وتابع " دخلته الأوضة وقفلت عليه بعد ما رشت 6 زجاجات بنزين في كل مكان، وفي الفترة الأخيرة قبل الواقعة بـ3 أيام كان دايما يقولي معدتي بتتقطع شوفلي حل وأنا كنت عايز اكشف عليه، وده أكبر دليل إنها كانت بتحطله حاجة علشان تسممه، أما عن الخلافات اللي كانت بينهم دايما هي إنها كانت دايما بتطلب فلوس زيادة أكتر من اللي بتاخدها منه ومن والده ووالدته، وهو كان شغله في القاهرة لأنه فاتح كافيه في شبرا، وهي عايشة في بيت لوحدها ومعاها ولادها في بلدنا "المجفف".

«في عز الضهر»

أضاف شقيق الضحية، "الجريمة حصلت في عز الضهر الساعة 2، وهي اعترفت ومثلت الجريمة أمام النيابة، ومع العلم المتهمة متزنة نفسيا ومفيش أعراض تشير إنها تعاني من أي شيء، لكن هي كل الحاحها دايما عايزة فلوس، وأخويا كان بيحبها جدا وبيعمل لها كل شيء هي بتحبه وعندهم ولدين 7و6 سنوات".

«الحقي بابا جوه»

وكشف شقيق الضحية عن تفاصيل مأساوية حول الواقعة قائلا: "المتهمة وضعت مادة مخدرة أو سم لأخويا في العصير ودخلته الأوضة ورشت البنزين وولعت فيه وقفلت الباب، وللأسف ولاد أخويا كانوا موجودين وابنه آدم قالها " الحقي ياماما بابا جوة والدخان طالع من الأوضة وكان ردها ملكش دعوة بالكلام ده وأخدته ونزلت من الشقة".

«احتفل بعيد ميلاها»

قال عم المجني عليه: "كنت في الشغل وسمعت ميكروفون الجامع بينادي أهل البلد إنه في حريقة وفورا جيت لقيت النار في بيت محمد ابن اخويا ولقيته جوه الأوضة متفحم، حصلي إنهيار أول ما عرفت اللي حصل ده كان لسه محتفل بعيد ميلادها قبل الواقعة بيوم وجايبلها تورتة، حسبي الله ونعم الوكيل".

«سممته وخلعت الأوكرة»

طالب شقيق المجني عليه بالقصاص من القاتلة وإعدامها، قائلا: "مفيش قلب يعمل كده دي سممته وحرقته وربطته وكمان قفلت عليه باب الأوضة وشالت الأوكره، يعني كان في إصرار منها إنه يموت ومحدش يلحق ينجده".

«الجدار سقط»

من خلال بعض المشاهد التي التقطتها كاميرا «بوابة أخبار اليوم»، تبين سقوط جدار الغرفة التي شهدت مصرع المجني عليه من شدة النيران.

«الأجهزة الأمنية»

تمكنت الأجهزة الأمنية بقيادة العميد شريف الحملي مأمور مركز ديرب نجم، والرائد رمزي أبوزيد رئيس المباحث من القبض على المتهمة التي اعترفت بالواقعة وأن السبب، وبإخطار اللواء محمد صلاح مدير أمن الشرقية أمر بعرض المتهمة على النيابة العامة، التي أمرت بدورها بحبسها 4 أيام على ذمة التحقيقات.

أكدت التحريات الأولية وجود شبهه جنائية وراء الحريق وبالفحص تبين قيام زوجة المجني عليه "عزة ع" بارتكاب الواقعة بسبب وجود خلافات زوجية بينهم.

وأضافت التحريات أنه قبل الحادث بيوم حدثت مشادة كلمية وخلافات أسرية بين الزوجة والمجني عليه زوجها قامت على أثرها بإحضار زجاجات بنزين وقامت بإشعال النيران بالشقة خلال تواجد زوجها به.

اقرأ أيضا | اليوم.. محاكمة 9 متهمين بـ«ولاية السودان الإرهابية»