الإثنين، 20 فبراير 2023 - 10:44 ص

قال الفنان محمد الشقنقيري إنه كسب القضية التي رفعها ضد الموديل رحيل التي ادعت أنها زوجته.

ونشر الشقنقيري صورة لحكم المحكمة، عبر حسابه الشخصي  عبر موقع التواصل الاجتماعي للصور والفيديوهات "فيسبوك"، وعلق:" أنا مرضتش أتكلم في المشكلة اللي حصلت إلا بعد ما القضاء يقول كلمته، وحقيقي شيء مؤسف جدا إنك تضطر إنك تاخد رد فعل عنيف كده مع أي حد خصوصا لو واحدة ست في قضية زي دي بس كمية الكذب والأفلام اللي اتعملت كانت أكتر من إن أسيبها من غير ما آخد رد فعل قانوني".
وأضاف: "أنا التزمت الصمت تماما ولجأت إلى القضاء ورفعت قضية من شهر ٦ اللي فات وبعد تحريات النيابة والأدلة اللي قدمتها واللي بتثبت كذب ادعاء المتهمة تم تحويلها للقضاء وتم الحكم عليها وتم إثبات إن كل الكلام اللي قامت المتهمة بنشره هو كذب وتلفيق".

وتابع الشقنقيري: "والسادة الصحفيين اللي بيكلموني عشان يعرفوا اللي أنا قدمته في النيابة أنا بعتذر جدا لأن السوشيال ميديا مش المكان اللي الواحد بياخد حقه فيه والتصريح الوحيد اللي عندي قلته، إن أنا كنت راجل مطلق وأعزب وخرجت كتير ولن أخوض في عرض أي شخص ظهر معي أثناء فترة طلاقي ، لكني لم أتزوج أي امرأة ولا رسمي ولا عرفي ولا حتى شفوي في حياتي إلا زوجتي".

وأكمل: "وللأسف برضه إني دي لسه أول قضية وهي إثبات كذب كل ما تم نشره على السوشيال ميديا و لسه المتهمة ستواجه ٣ تهم أخرى و3 قضايا أخرى وهم الابتزاز والسب والقذف والتعويض، وحاليا مطلوب القبض على المتهمة من جهة تنفيذ الأحكام، لأن مافيش حد بيقول إنه متجوز بشوية صور، وطبعا ده غير انت المتهمة حكت حوالي ٥ قصص مختلفة مرة قالت عرفي ومرة رسمي ومرة قدام مأذون ومرة قدام محامي وكل ده متسجل في تحريات النيابة".

وأضاف: "اللي بيجوز لازم يكون في عقد أو أي ورقة لكن حد خرج مع حد كام مرة ده مش اسمه جواز، أنا مغلطش في حق أي حد لا صورت حد ولا فضحته ولا شتمت حد ولا اتجوزت و أنكرت، وإذا كان في طرف حب يخرب حياتي بشوية كذب لما عرف أن أنا ومراتي رجعنا لبعض فدي مشكلته هو".

أقرأ أيضا خلال أيام.. محمد رمضان ينتهي من تصوير مشاهده في «جعفر العمدة»

واختتم الشقنقيري حديثه: "وأخيرا أنا بعتذر للناس اللي اتضايقوا وبشكر كل الناس المحترمة اللي استنوا لحد ظهور الحكم عشان يتكلموا في الموضوع وأخيرا سوف يتم اتخاذ الإجراءات القانونية ضد أي شخص أو منصة او جريدة تنشر أي أخبار متعلقة بهذا الموضوع دون أي دليل قضائي أو دون الرجوع إلي، وأظن أن بعد حكم المحكمة مافيش كلام تاني".

وكان الفنان محمد الشقنقيري، أعلن اتخاذه إجراءات قانونية ضد عارضة الأزياء رحيل ذكري، في مباحث إدارة الحاسبات وشبكات المعلومات بوزاة الداخلية، بتهمة نشر فيديوهات ومنشورات تحمل عبارات تسيء له.

وكتب الفنان محمد الشقنقيري، عبر حسابه الشخصي على موقع التواصل الاجتماعي «فيس بوك»: "أنا لم أتزوج من أية امرأة خلال فترة انفصالي عن زوجتي وحتى رجوعي لها»، متابعًا: «لقد تركت الموضوع كما صرحت سابقًا في يد القضاء العادل، على كل من يشهر بي أو يدعي علي بغير ذلك".

قد أثارت الموديل الأردنية رحيل ذكري جدلًا واسعًا خلال الأيام  الماضية، بعدما نشرت  عبر حساباتها على مواقع التواصل الاجتماعي، بزواجها من الفنان محمد الشقنقيري شرعًا، حتى وقعت بينهما خلافات شديدة في الفترة الأخيرة، ما دفعه لإنكار الزواج.

واتهمت رحيل ذكري الفنان محمد الشقنقيري، بتهديده له، حيث قالت: «محمد الشقنقيري بيهددني.. هي بقت خلاص بالنسبة لي حرب.. ومش بخاف ولا يتلوي دراعي.. لو مين في الكون مسك دراعي هسيبهوله.. محمد النهاردة بيهددني وبيهدد أولادي وحياتي كلها.. وطالب مني إن أتنازل وأعمل تكذيب وفي كل المواقع وعلى حساباتي لكن ده مش هيحصل»