الأحد، 26 فبراير 2023 - 01:05 م

قال الرئيس عبد الفتاح السيسي: "نقدر نقول النهاردة هيبقى في كمية أراضي كبيرة قادرة تدخل الإنتاج على نهاية السنة دي في سيناء”، معقبًا:" خطتنا خطة غير متواضعة".

ووجه  السيسي، خلال تفقده اصطفاف المعدات المشاركة في إعمار وتنمية سيناء، قائد الجيش بسرعة إزالة العبوات الناسفة والألغام، قائلا "مش عاوز نخسر حد تاني .. عاوزين تاخدوا شهر ولا شهرين عشان تتم إزالة العبوات الناسفة بشكل كامل 100%".

وأضاف الرئيس عبد الفتاح السيسي، أن الأولوية للعمل في مشروعات التنمية لشركات أبناء سيناء، لأنهم قاموا بالعمل مع الدولة في ظروف أصعب من تلك بكثير.

وتابع الرئيس عبد الفتاح السيسي، أنه يرجو أن يتم الانتهاء من جميع مشروعات التنمية خلال فترة زمنية قصيرة.
وطالب الرئيس عبد الفتاح السيسى، كافة أجهزة الدولة المصرية الحذر والحرص فى التعامل مع الوضع فى سيناء، قائلا: "الحذر والحرص مستمر من كل الأجهزة.. لا تغمض عين أو جفن.. اوعوا تطمأنوا.. دايما عنينا منتبهة لكل حاجة.. ومعانا أبناء سيناء.. ومش تسكتوا على حد.. ولما مش قدرنا نعمل قبل كده فى الفترة من 2006 إلى 2010.. والنهاردة خلى بالكم.. احنا مش هنضيعه.. بالعكس.. هنشوف حل ونعاجله ونفهمه.. مش نسكت ابدا".

وأضاف الرئيس السيسي، خلال كلمته في تفقد اصطفاف المعدات المشاركة فى تنمية وإعمار سيناء: "قعدنا 10 سنين مش عاوزين ننسي.. مش عاوزين ننسى الأيام المؤلمة اللى كانت تمر منأ.. واسف انى بقولها في يوم جميل.. مهم نكون ننتبه ونخى بالنا أكثر.. وعلشان مش يكرر لا هنا ولا أي حتة في مصر. 

وتابع الرئيس السيسي: "التواصل مع شيوخ القبائل ثقافة.. ثقافة للقوات مع الأهالي في سيناء.. والمنطقة الغربية والجنوبية.. التواصل مع الأهالي والشيوخ ثقافة مطلوب تتنفذ على أعلى مستوي.. بتمني لكم التوفيق ولسه قدامنا كتير".

وطالب الرئيس عبد الفتاح السيسي من المشاركين في حفل تفقد اصطفاف المعدات المشاركة في تنمية وإعمار سيناء، بالوقوف دقيقة حداد لأرواح الشهداء. 

وقال الرئيس عبد الفتاح السيسي: "اسمحوا قبل ما نقعد.. في يوم زي ده.. يوم عظيم.. نقف دقيقة حداد وأيضا تقدير واحترام لأرواح الشهداء.. كل الشهداء.. شهداء مصر من الجيش والشرطة والقضاء من أبناء سيناء.. كل اللي ضحوا من أجل أن ننقف النهاردة الوقفة دي علشان نقول بداية جديدة لأرضنا اللى كادت تفقد مننا.. اسمحوا أننا نقف دقيقة".

وقدم الرئيس عبدالفتاح السيسي الشكر لأهالي سيناء، قائلا: "سعيد بكم وبأشكركم وبأشكر كل أهالي سيناء، وبأقول للأسر اللي ضحت وعانوا وخسروا أبناء نتيجة العمليات اللى حصلت، عزاؤنا إن كان التمن هو تمن تنقية التخلص من آفة موجودة.. صدقوني كان الهدف منها إنها تفقد الدولة المصرية هذا الجزء العزيز من أرضنا لأن إحنا النهارده الجيش الشرطة مش قادرة تتحرك والشركات، بدليل لما كنت تيجي تعمل طريق أو مشروع هل كانوا بيسيبوكم تعملوا ده؟.طيب اللى كان بيتعمل ده ما كنش بيتعمل لينا إحنا كان بيتعمل للناس".

وأضاف الرئيس السيسي خلال تفقده المعدات المشاركة في تنفيذ خطة الدولة لتنمية وإعمار سيناء: "الفترة اللى جاية هنتحرك بخطة كبيرة قوي .. محتاجين نحسس أهالينا في سيناء إن الدولة المصرية بتشتغل بهمة لأن ما بقاش فيه عذر بقى لا لينا ولا ليكم ولا للدولة ولا مؤسساتها ما بقاش فيه عذر إن الشرطة تبقى موجودة وبكثافة أكبر من اللى كانت موجودة قبل كده، لتحقيق الأمن والاستقرار، أجهزة الدولة كلها بالكامل تعليم وصحة وغيره مطلوب تبقى موجودة بكثافة أعلى مما كانت عليه لأن الإعاقة اللى كانت موجودة قبل كده نتيجة الإرهاب والعمليات اللى بتتم، ده إحنا المحكمة نقلناها الإسماعيلية ربنا يرحم الجميع".

وقال الرئيس قوله: "إحنا واحد ما يصحش أقول أهالي سيناء إحنا واحد .. مصريين ودي بلدنا وأرضنا نخلى بالنا منها ونموت علشانها".

وأكد الرئيس عبد الفتاح السيسي، أننا لن نرضى بما كانت عليه سيناء سابقا، مشيرا إلى العمل على التخطيط والتنفيذ، مع محاربة الإرهاب.

وقال الرئيس عبد الفتاح السيسي، خلال كلمته التي ألقاها، بمؤتمر «تنفيذ خطة الدولة لتنمية وإعمار سيناء»، أن الإجراءات التي اتخذتها الدولة ومن ضمنها جهود القوات المسلحة والشرطة لتأمين سيناء من العمليات الإرهابية.

وتابع الرئيس عبد الفتاح السيسي، أننا محتاجين من كل الشركات العاملة في سيناء، العمل مع الدولة، خاصة في التنمية التي تتم في سيناء.

وقال الرئيس عبد الفتاح السيسي، إن لا يوجد حياة بدون أمان في اي مكان، وهذا ما استطاعت الدولة المصرية القيام به من خلال الجيش والشرطة والأهالي في سيناء.

وأضاف السيسي، خلال تفقده اصطفاف المعدات المشاركة في إعمار وتنمية سيناء، أن مساحة سيناء تصل لـ 60 ألف كيلو، مشيرًا إلى أن جميع سكان مصر يعيشون على مساحة 60 الف كيلو متر تقريباً.

وتابع الرئيس عبد الفتاح السيسي، أن تكلفة تطوير البنية الأساسية في سيناء كان كبير جدا وهذا ما جعل تنمية سيناء صعب في الوقت الماضي ولكن استطعنا في النهاية بتطويرها وإعمارها.

وقال الرئيس عبدالفتاح السيسى، إنه وبعد التضحة التي قدمها أهالي سيناء سنقول لهم "متشكرين بالكلام.. لا"، مضيفا: " اللى فات كوم واللى جاى كوم تانى، اوعوا تفتكروا أن بعد التضخية اللى قدمه أهالي سيناء إحنا هنقول لهم متشكرين بالكلام ؟.. لا.. بالاهتمام والعمل واللى هيقوم بالكلام ده أهالي وأبناء سيناء..اوعوا تفتكروا أن إحنا هنرضا بالموجود قبل كده مش هيحصل".

وأضاف الرئيس السيسي خلال تفقده المعدات المشاركة فى تنفيذ خطة الدولة لتنمية وإعمار سيناء: "أكتر ناس تعرف المعاناة مش انتم فقط كمقاولين بس نتيجة الإرهاب ولكن إجراءات الدولة للتأمين.. حركة من الغرب للشرق والعكس.. كان فيها إعاقة كبيرة حتى الأسمدة كنا بندخلها بحساب نتيجة انها ممكن تستخدم في حاجة تانية".

وكرم الرئيس عبد الفتاح السيسي عددًا من المتميزين من أبناء سيناء، اليوم الأحد خلال تفقد اصطفاف المعدات المشاركة في تنفيذ خطة الدولة لتنمية وإعمار سيناء.‏

وقال الرئيس عبد الفتاح السيسي، إن الفترة القادمة سوف تتحرك الدولة المصرية بخطة تنمية كبيرة جدا تحتاج إلي جهود مكثفة من الجميع من أجل تنمية سيناء، موضحاً "هناك معدلات عمل وتنفيذ كبيرة جدا ليحس أهالينا في سيناء أن الدولة المصرية بتشتغل بهمة .. لأن مبقاش في عذر خلاص".

وأضاف عبد الفتاح السيسي خلال تفقده اصطفاف المعدات المشاركة في إعمار وتنمية سيناء، أنه لا يوجد أي أعذار لعدم وجود مؤسسات الدولة داخل سيناء سواء من الجيش أو الشرطة أو غيرهم، مشيراً إلى أن الشرطة والجيش أصبحا متواجدين في سيناء أكثر من السابق من أجل الأمن والاستقرار.

وتابع الرئيس عبد الفتاح السيسي: "إحنا واحد ومينفعش نقول أهالي سيناء.. دي أرضنا ونخلي بالنا منها ونموت عشانها".

وأكد الرئيس عبد الفتاح السيسي، أن هناك محاولات من أجل عرقلة جهود المصريية، قائلا: "محاولة عرقلة المصريين مستمرة وهتستمر وبالتالي مش هقول الوعى لأنه موجود عند كل قطاعات الشعب المصرى.. ولو الوعى ده مش موجود مكنتش الناس استحملت معانا الظروف الصعبة والأسعار الغالية اللى بتمر بها مصر بقالها أكثر من سنة دلوقتى.. وبعترف بده ده واقع احنا مش سببه صحيح.. فيه عبء كبير في كل أسرة كل مواطن مصرى نتيجة التكلفة العالية بنعيش بيها".

وتساءل الرئيس عبد الفتاح السيسي، عن الحرب على الإرهاب، قائلا: "هل حرب الإرهاب خلصت؟.. ما لغاية دلوقتي حجم الشائعات والاكاذيب والافتراءات غير طبيعي.. اخرهم قناة السويس.. كلام يعني أن المصريين منتبهين لده ومش هيصدقوا". 
 
وأضاف الرئيس السيسي، خلال كلمته خلال تفقد اصطفاف المعدات المشاركة في تنمية وإعمار سيناء: "اتقال اننا بنفكر نبيع قناة السويس وفيه عرض.. عملولي وجمعوا كلامي ده وعملوا فيلم وإن الكلام ده قولته.. وقالك بتريليون دولار.. 

وتحدث الرئيس عبد الفتاح السيسي، عن التنمية في سيناء، قائلا: "ليا مطلب للشركات اللى شغالة في ملف التنمية في سيناء.. سيناء مساحتها 60 ألف كليو متر.. وإحنا في مصر عايشين تقريبا على 60 ألف كيلو تقريبا"، لافتا "وده مهم أوي لأهالينا في سيناء.. مصر كلها 60 ألف كليو تقريبا ونحاول نزودها 12 % بالمدن الجديدة.. وسيناء لوحدها 60 ألف كيلو تقريبا".

وقال الرئيس عبد الفتاح السيسي، إن الدولة المصرية لم تنفذ مشروعات للتنمية والتعمير في سيناء بسبب ارتفاع التكلفة، قائلا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء". 
 
وأضاف الرئيس السيسي، خلال كلمته خلال تفقد اصطفاف المعدات المشاركة في تنمية وإعمار سيناء: "التكلفة للتنمية في سيناء عالية وده اللى أعاق التنمية خلال الفترة اللى فاتت.. نشكل للناس اللى بتسمعنا ونشكل فهما ووعيا".

ووجه الرئيس عبد الفتاح السيسي، الشكر لبعض رؤساء الشركات المنفذة لبعض الأعمال والمشروعات في سيناء، خلال متابعته خطة الدولة لتنمية وإعمار سيناء، بمدينة الإسماعيلية، قائلا: "أنا بشكركم إنكم بتشتغلوا في ظروف صعبة، ولو قلنا لبعضكم أتكلم عن الحوادث والعواقب اللي حصلت، كتير، اللي اتخطف قريبه واللي اتحرقت له معدات وحذر من عدم استكمال المشروعات".

وأضاف الرئيس السيسي، أن الإرهاب كان يعوق حياة الناس وليس التنمية فقط، متابعا: "بعد ما ربنا سبحانه وتعالى وفقنا والإرهاب اللي كان موجود وكان يعيق حياة الناس، لأن لو مفيش أمان، الناس مش هتعرف تعيش حتى لو عايشه، والحمد لله اللي تحقق بفضل الله والجيش والشرطة وأبناء سيناء".

ووصل الرئيس عبد الفتاح السيسي الإسماعيلية صباح اليوم لتفقد اصطفاف المعدات المشاركة في تنفيذ خطة الدولة لتنمية وإعمار سيناء صباح اليوم الأحد.