الأربعاء، 15 مارس 2023 - 10:23 ص

كشف الفنان حكيم عن تفاصيل تسجيل أغنية نار، التي حققت نجاحا كبيرا فور طرحها، متحدثًا عن موقف كوميديًا حدث أثناء تسجيل الأغنية.

وقال حكيم خلال استضافته في الجزء الثاني من حلقته في برنامج «صاحبة السعادة» ، "«أغنية نار» ليها ذكرى جميل أوي، كنت أول مره أتعامل مع عصام توفيق، وكان واخد مكتب في عبد الخالق ثروت وكنا قاعدين في الدور الخامس، وقاعدين في البلكونة وعملنا مزيكا كتير ومفيش حاجه راضيه تطلع خالص".

وأضاف حكيم "كنا قايمين ماشيين خالص، عصام ندهلي وقالي استنى معايا أغنية تيمه جديدة،  قولتله وريني يمكن توفق معانا، ونعمل حاجه ورجعنا تاني سمعني أغنية نار، قولتله أهو تعالى نشتغل، قعدنا تاني، نقول نار نار بليل، لقينا العمارة ولعت من تحت، والمطافي جت، وإحنا متشعلقين فوق، والجيران كانت بتقول يا عم ياللي ولعت في العمارة وبتقول نار، ونزلنا على سلم المطافي، وفاكر اليوم ده تحديًدا لإن المحلات اللي تحت هي الولعت".

واشار حكيم، إلى كواليس وصوله إلى العالمية بعدد من الحفلات أحياها في مختلف دول العالم، وقال: "ويلس جونس أشهر الموسيقيين في العالم، وهو اللى اكتشف مايكل جاكسون، اشتغلت معاه أكتر من حفلة، وهو اللى بيحط النوتة، وعملت معاه حفلة داخل مقر الأمم المتحدة اللى بيجتمع فيه الرؤساء كلهم ، وأطلقوا عليا loin of Egypt عملت هناك حفلة مع الشاب خالد ، في مؤتمر اقتصادي لدعم نيويورك".

واسترجع المطرب حكيم ذكريات المواقف التي جمعته مع والده في صغره ومحاولاته في سلك طريق الغناء قائلاً لإسعاد يونس خلال برنامج "صاحبة السعادة": "والدى كان معارضا تماماً لفكرة غنائي، لأنه كان سميع لعبد الوهاب وأم كلثوم وكل القديم، ولكن لم يكن يحب أن يكون ابنه مغنى".

اقرأ أيضا| حكيم يكشف عن عمل فني جديد يجمعه بمطرب عالمي قريبا