الأحد، 19 مارس 2023 - 10:31 ص

كشف مطرب الراب ويجز عن عدم ظهوره بشكل مستمر في الإعلام قائلا.. "مش بظهر كتير عشان ببقى مشغول، وبحس إن لو مش حاجة مهمة مش بطلع ولا بتكلم، عشان اللي يفرق معايا أكتر اللمة الجميلة وصحابي وإني أشوف أهلي وبس".

وأشار ويجز، "عن كيفية حفظه لكلمات أغانيه التي يعتبرها البعض صعبة إلى حد ما، كما تحدث عن المرأة التي وصفها بأنها نصف المجتمع".

وقال ويجز، خلال لقائه في برنامج الحكاية.. "أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا، ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني".

وأضاف ويجز، "مكنتش متوقع النجاح اللي بحققه ده، بس كنت مركز وأول أغنية عجبت الناس قولت هكمل فيها، واللي ساعدني إني سافرت واتعلمت من كل الناس".

وقال ويجز، "إن المرأة هي نصف المجتمع، ولما بتكلم عن الست فهي أمي وأختي، وعايز أقول بالراحة شوية على البنات في مصر، الناس ضاغطين عليهم شوية".

وتحدث ويجز، "عن مشاركته مع الفنانة أنغام في حفل صوت مصر، الذي أُقيم أول أمس الجمعة، مشيرًا إلى إنه سعيد بتعاونه مع المطربة أنغام بالرغم من خوفه الشديد مع هذه التجربة لأنه يقف للمرة الأولى أمام أوركسترا مؤكدًا أن هذه التجربة يعتبرها اختبار لنفسه حتى يتعلم منها شكل جديد في الغناء".

وأضاف ويجز، "أنا جاي اختبر نفسي وأتعلم، وأول ما قالوا لي هتعمل حاجة مع أنغام فكرت أهرب لأنها تجربة جديدة عليا وتجربة صعبة بس قررت أجربها وكل تجربة فيها السهل وفيها الصعب".

اقرأ أيضا| أنغام على هامش حفل «ليلة صوت مصر»: أتمتع بآذان موسيقية منذ الصغر