الجمعة، 31 مارس 2023 - 08:56 م

قال الفنان صلاح عبد الله: "روحت عملت دور فى فيلم بنات العم مجاملة بسبب أن منتج الفيلم حبيبي وصاحبي، ولكني حبيت الدور دا وأخترعت فيه حاجات، وفكرة الفيلم لذيذة والثلاثي العسل أصحابي وحبايبي وأولادي".

وأضاف  الفنان صلاح عبد الله، خلال حواره ببرنامج "أنا والقناع" المذاع عبر فضائية "الحياة"، تقديم الإعلامية مني عبد الوهاب: "كان أخويا وائل عبد الله نفسه يعمل فيلم لهنيدي وعايز يجيب فيه أحمد عز ضيف شرف وهو هينتجه، وقاعد بتكلم مع الثلاثي على أساس يألفوا الحدوتة، وفكرت فى بدء الفيلم أحمد عز لأنه شايف نفسه بس عمل حاجة زعلت أمه ودعت عليه، وأبواب السما كانت مفتوحة والفكرة كانت إفتراضية ولذيذة، فاحمد عز صحي لقي نفسه محمد هنيدي".

وتابع  الفنان صلاح عبد الله: "الفكرة عملت فى دماغهم ومحصلش نصيب فى الفيلم، ومر وقت طويل جدا، ولقيت ال3 العفاريت دول قالولي عايزين نقولك فكرة الفيلم بتاع بنات العم، وأعجبتني جدا، قالولي احنا أخدناها منك الحتة دي".

اقرأ ايضًا| صلاح عبد الله يوجه رسالة لمنتخب المغرب قبل لقاء فرنسا