الخميس، 06 أبريل 2023 - 11:09 ص

أدلى مؤدي المهرجانات حمو بيكا، بالعديد من التصريحات النارية والتي جعلته حديث السوشيال ميديا، عقب استضافته في برنامج العرافة، الذي يُعرض على قناتي "المحور" و"النهار".

وترصد "بوابة أخبار اليوم"، أهم وابرز تصريحات حمو بيكا في الحلقة:

- نقيب المهن الموسيقية مصطفى كامل قام بتوجيهنا للطريق الصحيح، وكنا محتاجين ده من زمان.

- والدتي فرقت أرز بلبن، بعد حصولي على كارنيه نقابة الموسيقين.

- في بداياتي مكنتش أعرف يعني إيه نقابة أو مصنفات وكنت بغني أي حاجة.

- مراتي قالتلي إنت بتروح لفيلا حسن شاكوش.. وقلتلها والله ما حصل.

- عمر كمال هو اللي عملي السحر، عشان أقف وما اشتغلش.

- فرحي اتكلف 50 ألف جنيه.

- فرح حسن شاكوش اتكلف 300 ألف جنيه فقط وليس 4 مليون.

- حسن شاكوش مصطنع وبيتصنع على الناس ومتكبر ومغرور، أنا المدرسة اللي طلعت حسن شاكوش.

- أنا اللي طلعت حسن شاكوش للنور ولما اشتهر الغرور خده مني.. بقى يعمل أغاني لوحده ونسي نفسه.

- حظي منيل بستين نيلة مع صحابي، استغلوا الطيبة بتاعتي في إني أساعدهم وأقف جنبهم وفي الآخر يبيعوني.. حظي وحش في كل صحابي .

ويعد برنامج «العرافة»، امتدادًا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.

اقرأ أيضا|حمو بيكا: إحنا بنقدم أغاني مش مهرجانات ومصطفى كامل على دماغنا