الجمعة، 14 أبريل 2023 - 05:06 م

أعربت الفنانة إيمان العاصي، عن سعادتها بنجاح دورها دلال في مسلسل "جعفر العمدة"، للنجم محمد رمضان، برمضان 2023.

وقالت إيمان العاصي، من خلال برنامج تفاعلكم على قناة العربية: مش عارفه أتعامل مع الناس ومستخبية في البيت وخايفة أقابل الناس.. بس أنا مخضوضة زي الناس، والجمهور مسميني حسناء الشعبية، وحابين حالة الحب بين دلال وجعفر وإنها الحضن الحنين بتاعه، ومرة واحدة اتفاجئوا إنها هي سبب الشوكة اللي محطوطة في ضهره طول العمر.

وأضافت إيمان العاصي: كنت متوقعة النجاح من وإحنا بنقرأ المسلسل وبنعمل بروفات، وأستاذ محمد سامي كان عنده طاقه بيوزرعها على فريق المسلسل كله وإننا هننجح نجاح منجحناهوش قبل كده وهنفضل مبسوطين 10 سنين قدام بالنجاح ده، وكنت عارفه إن فيه نجاح قوي، بس مش متخيلة بالطريقة العظيمة دي كل يوم عندنا نجاح وحكاية والجمهور بيكتر ويكبر كل يوم.

اقرأ أيضا: بلال شامة يطلب 15 مليون من إيمان العاصي لقتل ابن جعفر العمدة

وأردفت إيمان: دايمًا بتحط في دور البنت الحلوة والرومانسية والكيوت وأنا ده عملي أزمة وخلاني أقعد كتير أتعطل لأن مفيش حاجة تانية أضيفها لكاركتر الكيوت، وحسيت إن دور دلال حاجة بدور عليها طول عمري وبدور عليه من بداية مشواري الفني ولقيتها وبقيت ماسكة فيها بكل قوتي وإن دي فرصتي. 

تدور أحداث المسلسل حول "جعفر العمدة" رجل من حي السيدة زينب، متزوج من أكثر من سيدة، ويعاني من ألم شديد بسبب اختطاف ابنه منذ 20 عاما، ورحلة بحثه عن ابنه للتأكد من وجوده على قيد الحياة، في الوقت الذي يقنع فيه زوجته بوفاة ابنهما، ويصحبها لقبر فارغ لقراءة الفاتحة على روحه.

قصة وصناع المسلسل 

مسلسل "جعفر العمدة" تأليف وإخراج محمد سامى، وشارك فى السيناريو والحوار مهاب طارق، وبطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.