السبت، 22 أبريل 2023 - 12:47 م

رد النجم محمد رمضان، على الانتقادات التي وجهت له من خلال فيلم هارلي، قائلا :" اشتغلنا في فيلم هارلل بالحب.. والجميع اشتغل 54 ساعة ولا يوجد شخص واحد من العمال اشتكي لان الحب كان بيجمعنا وايضا القصر الذي تم التصوير به كان مرتبط بمواعيد اخري وكان لابد من اننا نخلص بسرعة ".

ورد رمضان علي الانتقادات التي وجهت له بسبب ظهوره بالحلق وديل الحصان ..قائلا: " إن كل مشروع يقدمه يخاطب شريحة معينة من الجمهور، وعلق: «هارلي ده فيلم سينما.. وجمهور السينما بيختلف تماما عن جمهور الدراما".

وأضاف محمد رمضان: «في السينما أنا بخاطب شريحة عمرية وهم رواد السينما الحقيقيين هما من سن 12 سنة لسن 28 سنة.. دول جمهور السينما الحقيقي وأنا اخترت فيلم يخاطب هذه الشريحة ويمثلها». 

محمد رمضان
واستكمل محمد رمضان: «هارلي هو شاب ينتمي لهذا الجيل اللي هو ممكن يكون بيختلف عن جيلي وعن الجيل اللي قبلي .. جيلي مكنش عنده انستجرام .. وهذا الجيل عامل فولو لكريستيانو اللي هو عامل حلق او فلان .. وكلنا بنعاني مع ولادنا ان هم بيقلدوا اللوك بتاع بعض.. وهو شيء عادي بالنسبة لجيل جديد».

واضاف محمد رمضان: «هو ده الممثل يعني الممثل الحرباء إن هو ازاي يبقى في كل أرض لون الأرض دي.. وهو طبعا نقلة غريبة جدا من جعفر العمدة زي وان شاء الله الناس لما تشوف الفيلم هيشوفوا النقلة اكتر كمان ازاي شخص بيمشي ماشية مختلفة طريقة كلامهم مختلف في اكشن تقريبا في السينما اكشن او ورومانسي وفي كوميديا».

فيلم هارلي

وقال محمد رمضان: «أنا كنت عامل في السينما قلب الاسد وعبده موتة وواحد صعيدي بس لما رحت الدراما عملت ابن حلال لأن أنا عارف اني داخل الدراما وأنا ضيف عندك في البيت.. فلازم أبقى حريص إن هبقى لابس ايه؟ وهتكلم ازاي؟ وهقعد ازاي؟». 

محمد رمضان وفيلم هارلي 
وكان النجم محمد رمضان، قد أعرب في وقت سابق عن سعادته بالتعاقد مع المنتج سامر المحضر على بطولة فيلم "هارلي"، وقال رمضان، عقب توقيع العقد إن الفيلم مقرر عرضه فى عيد الفطر المبارك، ويأمل أن يكون بداية لانطلاق عدة مشروعات أخرى مع سامر المحضر.

اقرأ أيضا|بعد سحب العلامة الزرقاء.. أحمد السعدني يسخر من ايلون ماسك