السبت، 22 أبريل 2023 - 11:14 م

حرصت النجمة دنيا سمير غانم على توجيه الشكر الي فريق عمل مسلسلها جت سليمة والجمهور، وذلك عبر صفحتها الشخصية علي موقع الصور والفيديوهات الشهير انستجرام.

وتدور قصة جت سليمة في إطار من الكوميديا والفانتازيا، خلال سليمة وهى فتاة في أواخر العشرينيات من العمر، تعمل محررة في دار للنشر، وتعيش مع والديها عفاف ومحيي، وتتسم بالتفاني في عملها، فهى صاحبة رقم قياسي في قراءة الروايات بدار النشر، وتعثر على كتاب مسحور يعيدها إلى الماضى لتدخل في العديد من المغامرات الكوميدية.

وقالت دنيا سمير غانم : شكرا مهندس الصوت أحمد جمال البش مهندس جيمي ، شكرا مهندس صوت الاغاني الجامد خالد سند اللي تعب معانا جدا السنة دي و السنة اللي فاتت بسبب ضيق الوقت دایما بس حقيقي عملت شغل جامد جدا شكرا الشاطر اوي اوي مصمم الاستعراضات الهادي عواضة.

واضافت دنيا سمير غانم: شكرا لمخرج العمل إسلام خيري اللي تعب جدا في العمل ده شكراً لكل طاقم العمل ولكل فرد شارك ف النجاح الكبير ده الحمد لله شكرا علي حبكم و خوفكم عليا اللي انا كنت حساه في كل لحظة وأنا بشتغل . 

 

 

 

 

View this post on Instagram

 

 

 

 

 

 

 

 

 

 

 

A post shared by Donia Samir Ghanem (@donia.samir.ghanem)

وأضافت دنيا سمير غانم : وشكرا للجمهور العظيم اللي بعد كل عمل بيثبت لي إن ليا أهل في كل بيت، الحمد لله اللي بيخليني أعمل أقصي ما عندي عشان أكون عند حسن ظنكم.. شكرا لجوزي و حبيبي رامي رضوان اللي دايما بيدعمني و بيفرح لنجاحي و أخيرا بقي شكرا لروح قلبي و حياتي نجمتي الصغننه اللي نورتني و أبهرتني أنا شخصيا ما شاء الله".

واختتم حديثها قائلة" ربنا يحفظك يا قلبي و يكتبلك الخير و السعادة انت و كلأطفالنا و يا رب مستقبلكم يكون منور و حظكم أحسن مننا يا رب كل سنة وانتم طيبين".

مسلسل جت سليمة مكون من 15 حلقة، من بطولة دنيا سمير غانم، محمد سلام، خالد الصاوى، هالة فاخر، سامي مغاوري، محمد ثروت، بيومى فؤاد، غادة طلعت وعدد آخر من الفنانين، وتأليف كريم يوسف وسامح جمال، وإخراج إسلام خيرى وإنتاج أحمد السبكى برعاية المتحدة للخدمات الاعلامية.