الإثنين، 15 مايو 2023 - 04:30 ص

حلت الفنانة لبني ونس ضيفة في برنامج "واحد من الناس" الذي يقدمة الإعلامي عمرو الليثي، عبر شاشة الحياة.

قالت لبنى ونس إن مسلسل "ضمير أبلة حكمت"، لم يجمعها بالفنانة الراحلة فاتن حمامة في مشاهد داخل العمل، لكن الفرصة أتيحت لها لمقابلتها في أحد العروض الفنية.

وتابعت: "مكانش في مشاهد بيني وبين فاتن حمامة، لكن في نفس يوم التصوير يشاء القدر إني أقابلها في الأوبرا، أثناء حضورها عرض باليه، وحبيت أعرفها إني مهتمة بالباليه".

وأضافت: "كانت في منتهى الرقي وقالت أنا شوفتك في الأستوديو، وتعمدت أقابلها وأكلمها".

واستكملت حديثها قائلة: "الرجوع بأدوار صغيرة مش هو الإهانة، الإيد البطالة هي اللي مهينة، لكن لما تعتمد على نفسك وتعمل أي نوع من العمل شيء مفيش فيه إهانة".

وأضافت: "في المسلسل اللي اشتغلت فيه كنت تبع المجاميع، يعني كومبارس متكلم، وكنت في دور واحدة منقبة واقفة في طابور انتخابات، ولما إتكلمت وقلعت الحجاب المخرجة مريم أبو عوف انبهرت وقالت أنا عارفاكي إيه اللي خلاكي تعملي كده، والمشكلة كانت إن الإنتاج تعامل معايا بطريقة مهينة جدا، وأنا أخذتها على إنه مفيش عندهم وعي وثقافة العمل".

اقرأ أيضا | لبني ونس: محمد سامي متمكن جدا