الأربعاء، 17 مايو 2023 - 05:09 م

يحتفل اليوم الفنان عادل أمام بعيد ميلاده لـ83، حيث ولد في مثل هذا اليوم من عام 1940 وسط أسرة مصرية بسيطة تعود أصولها لإحدى قرى المنصورة.

ووجه عدد من الفنانين المعايدات لعادل إمام عبر مواقع التواصل الاجتماعي في تسجيلات صوتية وفيديوهات.

وقالت يسرا في تسجيل صوتي عبر مواقع التواصل "ربنا يخليك لينا وميحرمناش منك وربنا يديك طول العمر، بنحبك يارافع راسنا دايما وإنت وجودك فحياتنا مخلينا كبار وأنا كنت محظوظة جدا اني اشتغلت معاك وحضنت الدنيا من خيرك".

وفي تسجيل صوتي آخر للفنانة لبلبة، قالت فيه: "إنت أهم إنسان في حياتي وكانت أجمل فترات حياتي وأنا بشتغل معاك بيني وبينك عشرة طويلة وجميلة".

وأضافت نبيلة عبيد "كل سنة والزعيم طيب وبخير وصحة وسعادة اللي أسعدنا بمسرحياته وأفلامه ومسلسلاته ربنا يديك طولت العمر في خير وسعادة وربنا يخليك لينا".

وأكملت إلهام شاهين "بحبك أوي أوي ومبنساش أبدًا إن انت ليك فضل عليا لما قدمتني أول مرة في فيلم الهلفوت أنا بشكرك لثقتك الغالية فيا وتشجيعك ليا دايما أنت قيمة كبيرة في حياتي".

أما هالة صدقي قالت: "حبيبي الكبير رمز الفن الجميل كل سنة وانت في وسطنا وبتدينا طاقة إيجابية ومثل مشرف للفنان المصري في أي مكان في العالم".

وقالت الفنانة أنوشكا "كل سنة وحضرتك بألف خير وصحة وسعادة انت كبيرنا وهتفضل طول عمرك الجميل الضحوك بحبك وبحترمك وانت غالي عندنا أوي".

وأكملت سماح أنور "أنا متشكرة ليك جدا انك اتولدت وأنا بحبك أوي زي كل الناس انت الحلو الجميل النبيه، عادل أمام فنان كبير لن يتقرر بشكل واقعي".

وقال بيومي فؤاد في فيديو عبر مواقع التواصل الاجتماعي "عادل إمام فنان كبير وواحشنا جدا ربنا يرجعك لينا بالسلامة كل سنة وانت طيب".

وأضاف مصطفي قمر "بحبك جدا يا أستاذ عادل ودايما ممتعنا بتاريخك الكبير كل سنة وانت طيب وسعيد وبخير دايما وربنا يديك طولة العمر".

أما الفنان أحمد فتحي قال: "حبيبي يازعيم وحشتني جدا كل سنة وانت طيب وسعيد".

وقالت رانيا فريد شوقي: "أنا من المحظوظين لأني اشتغلت مع الفنان عادل أمام، كل سنة وحضرتك طيب وبخير".

وأضافت هنا الزاهد "كنت سعيدة جدا وأنا بشتغل معاك، دا فخر لأي فنان إن هو يشتغل معاك ويكون بدايته مع الزعيم كل سنة وانت طيب وسعيد".

وأكمل محمد ثروت "كل سنة وانت طيب وربنا يفرح قلبك دايما، عادل أمام تخطي مرحلة الفنان وبقا رمز".