سماح أنور: مصر وشعبها خط أحمر | فيديو | بوابة أخبار اليوم الإلكترونية

سماح أنور

سماح أنور: مصر وشعبها خط أحمر | فيديو

الأحد، 21 مايو 2023 - 10:39 ص

وجهت الفنانة سماح أنور اعتذارا للشعب المصري عن الفيديو الذي ظهرت فيه وهاجمت فئة من المصريين وصفتهم بالجهلة لكرههم للفن والفنانين.

وأوضحت سماح أنور وجهة نظرها للجمهور، خلال مقطع فيديو نشرته عبر حسابها على إنستجرام، وظهرت به مع الفنان أشرف زكي، نقيب المهن التمثيلية، الذي قرر دعمها في تلك المشكلة.

وعلق أشرف زكي خلال الفيديو: برحب بحضراتكم.. الفيديو بسجله من داخل مسرح نقابة المهن التمثيلية وبتشرفني النهاردة الفنانة الكبيرة سماح أنور.. الفيديو ده معمول عشان أستاذة سماح أنور عايزة توضح بعض الأشياء التي وصلت للناس بطريقة غير مقصودة.

أقرأ أيضا سماح أنور: الشعب بيكره الفنانين

وتابعت سماح أنور: بشكر حضرتك لوجودك جنبي في الموقف ده وسوء الفهم ده.. أولا شكرا لكل الناس اللي تفهمت موقفي ووقفت جنبي.. وبالنسبة للناس اللي فهموا موقفي غلط أحب أوضحلهم أنا ست مصرية طول عمري وأهلي مصريين، ومصر لها عليا كتير ومكنتش هبقى أي حاجة لولا مصر وشعب مصر.

وقالت سماح أنور: كان عندي مشكلة شخصية تخص والدي ووالدتي الراحلين وعملت فيديو كنت منفعلة جدا تجاه الناس اللي تسببوا بالمشكلة دي واتفسر الفيديو بشكل غلط.. أحب أقول جملة واحدة بس معتقدش إن فيه أي جملة تانية تنفع بعدها.. مصر وشعب مصر خط أحمر.

وكانت قد خرجت سماح أنور للجمهور منذ عدة أيام، في بث مباشر عبر فيسبوك، وأعربت عن غضبها واستيائها من مالك عقار رفض وضع لافتة “هنا عاش” على مدخل منزل والدها السيناريست أنور عبد الله ووالدتها الفنانة سعاد حسين، وهدد بتحطيم اللافتات في حال وضعها، مؤكدةً أنها ستتقدم بشكوى رسمية بشأن تلك الواقعة، وقالت: إحنا بقينا وحشين أوي ومهما الريس حاول يرتقي بالبلد مش هنعرف نعمل حاجة طول ما فيه ناس فينا مش عايزة حاجة كويسة تحصل للبلد.

وعلقت في نفس الفيديو: الشعب بيكره الفنانين وبيشتمهم وبيبصلهم بصة دنيئة، وده مش بيهم الفنان؛ لأنه بيبدع عشان يتبسط ويبسط الناس واللي مش سعيد بيهم يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي ربنا خلقنا بيها.