مدحت العدل
مدحت العدل


مدحت العدل يعلق عن استخدام صوت أم كلثوم بالذكاء الاصطناعي: ما تسيبوا الناس تجرب

هبة الخولي

الأحد، 21 مايو 2023 - 10:46 ص

 

كشف الكاتب والسيناريست مدحت العدل، عن رأيه في الجدل المثار حول استخدام الملحن عمرو مصطفى صوت أم كلثوم في الذكاء الاصطناعي.

 

وقال مدحت العدل خلال مداخلة هاتفية ببرنامج "كلمة أخيرة": "من الناحية القانونية المجردة طالما المنتج أدى وسدد الحقوق المادية والمعنوية، فقد صنع ما عليه وذلك بالشكل القانوني لكن كفنان ليه بنخاف من التجارب؟، مانسيب الراجل يجرب ونبقى نرفضه ويمكن يطلع حاجة  كويسة، الذكاء الاصطناعي بيستخدم كتير في العالم".

 

أقرأ أيضا عمرو مصطفى: حقوق أغنية أم كلثوم بالذكاء الاصطناعي ملكي.. قواعد اللعبة تغيرت


وتابع مدحت العدل: "ليه بنخاف من التجارب؟، بلاش  فكرة التابوهات وكل ما حاجة تتجرب نقول الدنيا هتتهد، محمد سعد غنى في فيلم اللمبي حب إيه، ومع ذلك تبقى أم كلثوم ما تسيبوا الناس تجرب، ما يمكن تطلع حاجة كويسة".

 

وكان علق عمرو مصطفى عن أزمة أغنية أم كلثوم بالذكاء الاصطناعي، قائلًا: "في ثورة حاصلة عن الذكاء الاصطناعي في العالم كله وأي إنسان يا إما هياخذ الثورة الموسيقية ويطلع بيها ويطورها ويكبر بيها يا إما يقعد يلعب بيها، عندنا الآن تكنولوجيا جديدة تخلينا نطور ده ونقول في ملحنين موجودين.. الخريطة كلها تتغير وقواعد اللعبة بتتغير".

 

وتابع عمرو مصطفى: "حقوق ملكية إيه ومقاضاة إيه اللي بيتكلم عليها.. أنا بعمل أغنية جديدة من الألف للياء وصوت أم كلثوم ملك الآلة".

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة