الإثنين، 29 مايو 2023 - 06:50 ص

قال الفنان تامر هجرس، إن والده كان سفيرا وشخص هادى جدا وشخصيتى تكونت بسببه وهو أعز صديق لي. 

وأضاف هجرس خلال لقائه مع الإعلامى عمرو الليثى ببرنامجه "واحد من الناس" على شاشة "الحياة"، وجدى كان وزير اقتصاد ونائب رئيس الوزراء فى عهد الرئيس جمال عبد الناصر، وأنا كنت متعلق به جدا، وهو كان سند أمى الله يرحمها، وكان يدرس لي وأنا فخور جدا به، وتعلمت عنه بعد وفاته كثير.

وتابع هجرس: "لى جدة إنجليزية وجدى تعرف عليها فى كامبريدج أثناء الدراسة وجت عاشت معاه هنا فى مصر، ولحد وفاتها كانت تستخدم الباسبور المصرى، وكانت بتقول أنا مصرية وهستخدم الباسبور المصرى". 

وأضاف تامر هجرس: "أنا كنت شقى جدا، وعندى أخت أكبر منى لكن أنا اللى باخد بالى منها، وهى متزوجة وعايشة فى دبى، ووالدى توفى وأنا عندى ٢٠ سنة، وكنت مطالب أنى أبطل شقاوة وأخد بالى من أمي وأختي، وأنا عندى ميزة محدش يقدر يحدد سنى لكن أنا كبير فى السن، ولما الدنيا بتضيق فى وجهى بقول فينك يا كمال يا هجرس كنت دلتنى على الطريق". 

وأشار إلى أنه "كان فى سهره زمان وبتخانق مع بنت، ولقيت حد بيبص عليا جامد فافتكرته تبعها لكن لاقيته بيقولى عاوزك تبقى موديل وهديك ٥٠٠ جنيه، وأنا كنت مبهور بالمبلغ، وأحمد عز كان معايا فى الموديلنج ودخل فى التمثيل قبلى وأنا كنت سابقه فى المودلنج، وعملت موديلنج فى فيلم ايس كريم فى جليم مع عمرو دياب".

اقرأ أيضا | تامر هجرس يكشف عن أسباب مرضه ببرنامج "واحد من الناس"