الإثنين، 29 مايو 2023 - 07:38 م

أعلنت النجمة كارمن سليمان عن تولي إيهاب صالح إدارة أعمالها الفنية.

ونشر إيهاب صالح صورة له رفقة النجمة كارمن سليمان وزوجها الملحن مصطفى جاد، عبر حسابه الرسمي بموقع التغريدات القصيرة "تويتر"، معلقاً: «سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي، شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار القادمة من مصر للكل الفترة الجاية و افتكروا كلامي ده كويس».

💥سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي، شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار… pic.twitter.com/00tk8TOyCj

— Eyhab Saleh (@EyhabSaleh) May 29, 2023

وتابع: «طول حياتي بحب التحدي و الحمد لله بكرم و توفيق من ربنا كبير دايما بكون قد التحدي. شكرا على كل الدعم من كل الناس و كل الامنيات الجميلة الفترة إللي فاتت و أللى جاي إن شاء الله. املى فيكم كبير بعد ربنا سبحانه وتعالى». 

واردف: «لجمهور كارمن بقي، الكل يجهز نفسه كويس عشان إن شاء الله في اخبار كتير حلوة و جامدة قريبا و يا رب ابقي عند حسن ظنكم».

و واصل: «و برضه عشان الشكر وأجب ، حابب اشكر مهندسين الاتفاقية دي ،  الاخ الأكثر من عزيز و الصحفي المحترم، محمد عاشور، والملحن و الفنان أللى خارج الصندوق تماما و الاخ العزيز مصطفي جاد، وإللي دايما في ضهري كدة كدة و مع أي قرار و خطوة ، الشاعر العبقري و أخويا الصغير مصطفي ناصر، و طبعا اكيد علي رأس دول كلهم أهلي الغاليين، بيتي و المقربين ليا في شغلي و من الوسط ، ربنا يخليهم ليا و يديمهم في حياتي»

واختتم قائلا: «ربي اجعل النجاح رفيق دربنا ووفقنا لما تحبه وترضاه».

إيهاب صالح يعتذر عن إدارة أعمال شيرين عبد الوهاب:

وكان أعلن إيهاب صالح مدير أعمال شيرين عبد الوهاب، اعتذاره عن إدارة أعمالها، من خلال حسابه الرسمي على موقع "تويتر"، وذلك بعد انتهاء حفلها بجدة، موكدا تفضيله الإعلان بعد انتهاء الحفل.

وكتب إيهاب صالح في تغريدته: "جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة.. أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب خلال الفترة اللي فاتت ليها في المقام الأول، وطبعا بعد كده ليا".

وتابع إيهاب: "قررنا أن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين، ولينا أسبابنا".

وأضاف: "مبروك وشكرا يا شيري من كل قلبي، ويا رب أكون كنت على قد وعدي وكلمتي ليكي إني دائما في ضهرك، والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على أبواب، ومتأكد أنه هينجح نجاح غير عادي".

واستكمل: "فرحان بشكل ملوش وصف بنجاحك ورجوعك بالقوة دي، وده اللي أتعودنا عليه منك طول السنين دي، أنا كده كده دايما موجود زي مأنتي عارفة، وربنا يديم كل اللي بينا على خير، وأسف لو في أي لحظة كنت قصرت معاكي بأي شكل".

واختتم: "أحب أشكر كمان جمهورك أكيد إللي مشوفتش منوا غير كل خير وحب، شكرا بجد من كل قلبي، ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة.. أتمنى التوفيق لمديرين الأعمال الجايين وأدعمهم دائما بأي شكل أكيد عشان تفضلي دايما على القمة".

كرامن سليمان "أنت الأصيل":

وكانت طرحت المطربة كارمن سليمان الجمعة الماضية،  أحدث أعمالها الغنائية بعنوان “أنت الأصيل” عبر قناتها الرسمية بموقع الفيديوهات العالمي “يوتيوب” ومختلف المنصات الغنائية الرقمية.

أغنية “أنت الأصيل” من كلمات الشاعر صابر كمال، وألحان بلال سرور، وتوزيع موسيقي أماديو، وهندسة صوتية الاخوين ماهر صالح.

اقرأ أيضاً - مهرجان قرطاج الدولي لهذا العام بدون «نانسي عجرم»