خالدصبحى
خالدصبحى


بلياتشو

صفوت ناصف

الأربعاء، 31 مايو 2023 - 05:04 م

 

بلياتشو

دهن الوش

بألوان تفرح

لبس البدلة الصفرة اياها

 

حط بروكه زي العادة

ومشي يتمخطر وبيتهادي

بسمه كبيره بالمكياج

دخل المسرح

كله بيضحك

وبيطنطت م الحركات

زق ومقلب

وبيتشقلب

روح بترفرف

ترسم بهجة تمحي آهات

ناس بتصقف

وناس بتوقف

صوت الضحك يا ناس لساعات

أخر الحفله

سلم ليهم

ودع طفل

برئ بإديه

قلبه اتحرك

لم رسم أحلام ف عنيه

دخل الأوضه

شال مكياجه

عاد لملامحه

خد ف إديه

تقرير دكتور

إن المذكور

مش هيطول

وباقي ف عمره

بس شهور

 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة