الثلاثاء، 13 يونيو 2023 - 10:46 ص

قال الفنان علاء زينهم انه بيحلم يعود مرة اخري لسواقة النقل تانى، قائلا" أنا بحب الشغل الحلال و بربى ولادى على كده".

و أضاف زينهم خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، للاسف بيقيت معنديش وقت للسواقة.

و من الأعمال التى أحبها النوم فى العسل ، و الماء و الخضرة و الوجه الحسن ، و يتربى فى عزه ، وونوس ، و البرنس . 

و تابع علاء زينهم ان الأستاذ رحمى كان بيقول لي "طول ما أنا عايش أنت معايا فى بوجى و طمطم، حتى بعد وفاته ابنه عمل بوجى و طماطم تانى و اخدني معاه". 

و عن خلافه مع الفنان سيد زيان اوضح، انا كان امثل فى مسرحية "العسكرى الاخضر" وكان هناك مشهد المفروض انه بيضربنى فيه بالقلم و انا رفضت ، وتحدث مع سيد زيان لو ضربتني هاضربك وبعدها رفضوا استمراري و قولت ليهم ده اخر يوم ليا معاكم.

كما تحدث عن موقف آخر واستاذ هانى لاشين فى مسلسل زعل منى لانى رفضت اضرب ابنى وانا مش بحب اضرب حد او اتضرب ، و احمد زاهر لم يضربنى فى مسلسل البرنس ، و محمد سامى الله يكرمه اخد لى شوطات من زوايا مختلفة اعطت احساس بالقلم و ستات فى الشارع كانت تقابلنى تقولى ازاى يضربك كده واحلفلهم ان ده تمثيل . 

و تابع انه رفض دور متحرش مع المخرجة ايناس الدغيدى، واتناقشت معاها لمدة ساعة و نصف، وبالغت جدا فى الاجر علشان ترفض تاخدنى، ولما اتنقشت مع اولادى قالوا لى يا بابا اوعى تعمل الدور ده الناس بتقابلك فى الشارع هتقولك ايه.