الإثنين، 19 يونيو 2023 - 11:18 ص

كشفت الفنانة ليلى علوي أنها لم تعتبر نفسها الأجمل موضحة أن السينما كصناعة ومستوى أفلام وتقنيات تشهد تحسناً كبيراً لكن تحتاج لزيادة عدد الأفلام.

وأضافت خلال لقاء عبر برنامج "كلمة أخيرة" الذى تقدمه الإعلامية لميس الحديدى على شاشة ON أنها تفتقد الأفلام "الميوزكال"، قائلة : " نفسى ألاقي ورق ميوزكال حلو أعمل بيه فيلم أستمتع وامتع الناس كلها مثلاً لو تخيلت أن فلمى وأتخيل "سمع ههس " و" ويامهلبية يا " اتعملوا فى ضوء التطور الحالى كانوا هيبقوا إزاى ؟ أكيد كانوا هيبقوا أحلى فى التكنيك فى ضوء التطور ".

وقالت الفنانة ليلى علوي: "تعرضت في حياتي إن فيه حد حب عليا، وتعرضت للخيانة وأنا في الحالة دي مبسامحش، وبعدها قلت له باي باي، لإن خلاص مبقاش فيه ثقة".

وتابعت: "الثقة والاحترام مهمين جدا علشان العلاقة الزوجية تكمل، وعمري ما أسامح في الخيانة وفي كل مرة اتجوزت واتطلقت كان قراري، ومفيش مرة ندمت على قرار أخدته".

وواصلت: "مبحبش الوحدة بس مبزهقش من الوحدة، وبحب اقعد لوحدي لإن بيبقى جوايا حاجات بعملها وساعات بارسم، وأنا والله العظيم مبحسش إني حلوة، ودايما بظهر على طبيعتي".