الخميس، 29 يونيو 2023 - 01:55 م

أعرب الفنان أمير كرارة عن سعادته الشديدة للنجاح الكبير الذي حققه في مسلسل "الاختيار1"، بعد أن جسد السيرة الذاتية لـ الشهيد أحمد المنسي.

وقال أمير كرارة خلال لقاءه في برنامج معكم منى الشاذلي: "الاختيار1 كان تجربة عظيمة، ولغاية دلوقتي المنسي معايا في حتة تانية خالص، والمنسي نفسه غير في شخصيتي وطريقتي مع الناس في الكلام، وأثر فيا بشكل غير طبيعي".

وأضاف: "وجالي تليفون في آخر حلقة اتبسط بيها وقلبي وجعني، ابن المنسي كلمني في المشهد اللي اغتال فيه، وقال لوالدته تخيلي لو عمل كده، وصل لمرحلة إن هو بيتفرج حاسس إن عامل حاجة كويسة، وكان معانا في اليوم ده اتنين من المعركة وحضروا التصوير، وكان بيقولنا عملنا إيه بالظبط، ومشهد محدش يطلع ورايا مكنش مكتوب، ولحد النهارده العساكر بتقولي يا قائد، والداخلية بتقولي باشا مصر، وكلهم حبايبنا".

اقرأ أيضًا.. أمير كرارة: كنت خايف ومرعوب من فيلم «البعبع» لهذا السبب

وواصل أمير كرارة: "النجاح الكبير في الاختيار ينسب لأحمد المنسي مش لأمير، والدور كرم وهدية من ربنا، وأنا مش عبقري تمثيل خالص في أحسن مني مليون مرة، بس هو ربنا إداني الدور ده أنا، عايز إني يحصلي كده، وكان أي حد ممثل كبير أو صغير أو لسه بيبدأ كان هيحصلوا اللي حصل لأمير كرارة".

واختتم أمير كرارة: "الشنب بطل في حياتي، وأنا شكرته قبل كده ساعة كلبش مع إن الشنبات كتير معرفش ليه الشنب بتاعي علق مع الناس، وحسين المنباوي مخلنيش أركب شنب في سوق الكانتو، وشيلت من الشنب كل شوية حتة علشان أعرف أخرج بيه في الشارع".