الجمعة، 30 يونيو 2023 - 10:57 ص

  كليوباترا

باحسك زى جنيه

بترمي شعورها فوق كتفي

فتحضني وبتدفي

تدوب أيديها في كفوفي

عيونها تحكي حدوته

بلاقي فيها بنوته

حلوه وأحلي م التوته

أعيش وياكي أيامي

بلون وردي

يدوب القلب والإحساس

وضحكايه وبدر بدور

رموش سارحه

تلم عذابي والأوجاع

وترميهم في قلب البير

باشوف الشمس ف جبينك

تنور ليا كل الكون

تحقق كل أحلامي

ونسهر ويا قمرايا

وأحسك بطله للحواديت

كليوباترا

وعبله كمان

دليله حبيبتي .. أنا شمشون

ساعات تبقى يا روحي إيزيس

وباتحدى ملوك الجان

ولا ليكي عليا يمين

باحبك موت