السبت، 01 يوليه 2023 - 01:03 م

تحدثت المطربة التونسية لطيفة عن تجربتها  فيلم "سكوت هنصور" قائلة: "كانت حلوة ومن أحسن التجارب اللي خضتها، وفيه عباقرة تعاملت معاهم كانوا شبه بعض مثل يوسف شاهين وفاتن حمامة وزياد الرحباني، وفي تعاملهم من أبسط الناس".

وتابعت لطيفة خلال إستضافتها في في برنامج "معكم" الذي تقدمة الإعلامية مني الشاذلي عبر شاشةcbc.
قائلة: "كنت محظوظة إني زرت العظيمة فيروز في بيتها ولقيتها في منتهى البساطة والذوق واستقبلتني وهذرت معايا ونصحتني، وانا تعلمت من الناس دي".

أحداث فيلم سكوت هنصور

وتابعت: "فيلم سكوت هنصور القصة بتدور حول مطربة مشهورة وبيتنصب وبيتضحك عليها، وما كانش سني يعطي إن روبي تبقى بنتي، بس ما كانش فيه عقبة، وكان اللي هيقول لي عليه يوسف شاهين هعمله، يوسف شاهين قال لي فيه مشاهد ما تحطيش مكياج ويدخل للماكييرة الفرنساوية يقولها ما تخلهاش تطلع حلوة وأنا كل حاجة كان بيقولها كنت بنفذها".
 

مشهد جريء رفضته لطيفة في فيلم سكوت هنصور
 
وأكدت: "رفضت مشهد جريء في فيلم سكوت هنصور، كان اتطلب مني حاجة وأنا رفضت من الأول إني مش هعملها فجاني يوسف شاهين بعدها، المشهد الجريء ما كانش محطوط في السيناريو وتم استحداثه قدام الكاميرا وقتها قلت: ستوب مش هعمله. وخرجت من مكان التصوير وجالي خالد يوسف قلت له: مش هعمله وهديكوا الأغاني هدية وأنا بنسحب من العمل علشان المشهد بعدها الأستاذ يوسف زعل وقال فركش تصوير وبعدها جاني وقال لي: أنتِ عارفة إني أصريت تعملي المشهد علشان شايف فيكِ فنانة ما شُفتهاش من سنوات بس في الآخر ما عملتش المشهد واللي وقف معايا في الموقف دا كان الفنان أحمد وفيق وقال لهم هي قالت لكم من الأول مش هتعمل المشهد دا من الأول ومش هتعمل مشهد القبلات وفعلًا عملنا الفيلم من غير القبلات".

وأشارت: "أمي انبسطت من الفيلم أول لما اتعرض وقبلتني وقالت لي: يا روحي. وكانت فرحانة من العمل لما اتعرض في تونس".