الإثنين، 03 يوليه 2023 - 10:42 ص

كشف المطرب عصام كاريكا، عن أسباب ابتعاده عن مجال الغناء خلال الفترة الآخيرة، مشيرًا إلى تركيزه بشكل كبير على التلحين للمطربين، مؤكدًا استيائه من إنكار بعض الفنانيين "للجميل" بعد تحقيق النجاح لأعمالهم والتي تكون من تلحينه على حد وصفه.

وحل كاريكا ضيفًا ببرنامج "مساء Dmc"، والتي تُقدمه الإعلامية إيمان الحصري، وتستعرض "بوابة أخبار اليوم"، أبرز تصريحاته باللقاء والتي جاءت كالتالي:

عصام كاريكا: نفسي ألحن لـ أنغام

- قعدت مهتم بالغناء من سنة 2004 إلى 2014 وبعدين بدأت في مجال التلحين وركزت فيه أكثر.

- أنا شايف نفسي كملحن أقوى من مطرب وبتعامل كملحن ولحنت فوازير عمو فؤاد.

- فيه 100 ممثل ومطرب غنولي منهم أحمد حلمي ومحمد هنيدي وغادة عبد الرازق.

- فيه ممثلين أنا خليتهم يغنوا وصوتهم مكنش كويس.. والأغاني نجحت واللحن الحلو ممكن يغطي على الصوت.

- أنا تعبت مع ممثلين كتير وبعد لما الأغاني بتنجح بتكون سبب في نجاح الأفلام بس بينكروا ده لما يطلعوا في التلفزيون.

- محمد هنيدي إداني قيمتي وطلع مع أستاذة إسعاد يونس وقال عصام كاريكا وقف معايا وعملي ألحان.

- أغنية محمد هنيدي ودنيا سمير غانم في فيلم يانا يا خالتي كانت بتاعتي.. وشيلتها من ألبومي وادتهاله لما عجبته.

-  أنا نفسي اشتغل لـ أنغام ولو عملنا حاجة هتفضل عايشة 30 سنة.

- فيه أغاني مينفعش يغنيها غير محمد منير وداخلين نسجل كمان يومين أغنية اسمها أنا الذي.

- إحنا أهل أسوان بنلبس العمة على الجلابية.. فلبست في القاهرة العمة بس من غير الجلابية وغيرت الألوان والاستايل.