الأحد، 09 يوليه 2023 - 11:43 م

كشفت الفنانة حورية فرغلي، تفاصيل حالتها الصحية بعد اسئصال عملية الرحم، قائلة إن الطبيب استئصل الرحم كله، بما فيه عنق الرحم، متابعة: «الدكتور قالي فيه كان أورام مش كويسة».

وطمأنت «فرغلي»، خلال مكالمة هاتفية ببرنامج «مساء DMC»، المذاع على قناة «DMC»، وتقدمه الإعلامية إيمان الحصري، جمهورها عن حالتها الصحية، قائلة إنها خرجت من المستشفى أول أمس، ولكن لم يتواصل معها أحد أو زيارتها في المستشفى.

وتابعت حورية فرغلي: «معرفش مين نزل الصورة وأنا في المستشفى، وكيل أعمالي أكيد اللي نزل الخبر علشان الناس تعرف، لأن المستشفى كلها عرفت، فهو كان عاوز يطمن الناس أو حاجة.. بس أنا زي الفل».

وأوضحت أنها كانت تنتظر زيارتها من أي شخص يعرفها ويحبها، متابعة: «ده الطبيعي.. أنا لو شوفت حد مرتين تلاتة ويعمل عملية كبيرة لازم أروحله، بس الحب مش بيتشحت ولا الحنية، ومامي بالنسبة ليا الدنيا كلها».