الخميس، 13 يوليه 2023 - 12:05 م

حل الفنان عمرو مصطفي ضيف برنامج أجمد 7 مع الأعلامية جيهان عبدالله، وتحدث مع خلافه مع الفنان رامي صبري علي لحن أغنية "يمكن خير"، وقام الفنان رامي صبري بمداخلة هاتفية ليقوم بالرد.

وجاءت تصريحات الفنان عمرو مصطفي في البرنامج قائلاً :
ـ انتوا استبحتوا ألحاني وأنا قولت كدا عشان معلمش الأجيال سرقة الألحان،مين يقعد مين في البيت ازاي جت في خيالك ازاي للحظة إنك تقول كدا .

ـ قفلت الأغنية على اليوتيوب امبارح باليل وأنا بقفل الأغنية كنت مضايق ولحد دلوقتي أنا مضايق وأنا عاوز أقوله اهدى القصة مش أنت هما بيشغلوني بيك.

ـ أقسم بالله نجاح رامي صبري وحماقي وأى فنان من نجاحي ومش عاوزين الناس تفرح فينا.

ـمش هرفع قضية على رامي صبري والأغنية هترجعله وخلاص لأني بحبه وبحب كل الفنانين ولكن مينفعش يبوظوا هيبتي في المزيكا.

ـ أنت صديقي، أنا لو غلطت فيك كنت هعتذر ولن أخجل ومش هكسف من أى حد وهبقى فخور بنفسي عشان هنام باليل وأنا مش مضايق حد.

ـ  أعتذر لك يا رامي، لكن أنت المفروض تكتب أن أغنية (يمكن خير) لحن عمرو مصطفى ورامي صبري وأنا أكتر واحد بدافع عنك يا رامي، وحصل خير ومتفرحش الناس فينا.

وجاءت مداخلة هاتفية من الفنان رامي صبري رداً لما قاله عمرو مصطفي، قائلاً :"نفتخر بوجود عمرو مصطفى، لكن مينفعش تختلف بطريقتك دي ومينفعش تطلع تقول إني سرقت منك الأغنية".

وتابع:" أنا دايما بدافع عنك يا عمرو وبقول أنت أطيب واحد في الدنيا وانتوا فاهمينه غلط ولحد إمبارح مدافع عنك رغم أنك وقفت أغنيتي من اليوتيوب".