الخميس، 20 يوليه 2023 - 11:16 م

في أول رد على طليقها مطرب المهرجانات حسن شاكوش، شاركت ريم طارق، فيديو لها وهي ترقص على أغنية أنا ابن حلال لـ محمود الليثي، بعد نفى حسن شاكوش علاقته بالفنانة حورية فرغلي.

نفى مؤدي المهرجان حسن شاكوش، أي علاقة تجمعه بالفنانة حورية فرغلي على المستوى الشخصي، مؤكداً أنها مجرد صديقة وزميلة عمل فقط.

وكتب حسن شاكوش على صفحته الرسمية بموقع التواصل الاجتماعي فيس بوك: جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتي لو هيا عكسية، الحقيقة دائماً عند ربنا وسكوتي وعدم ردي شئ مريحني أكثر من الكلام ولكن في شئ يخص فنانة جميلة كلنا بنحبها وبنحترمها.

وأضاف: وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية بحب أقول إن الفنانة حورية فرغلي لا يمسني بيها أي شئ غير أنها زميلة وصديقة عمل ومش فاهم سبب وجود سيرتها في الموضوع إيه من خلال البرامج أنا دلوقتي كلامي للإعلام أرجوكم بلاش تشاركوا الناس كلام غلط كفايه كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجه تخص حياتي الشخصية.

وتابع: "أرجو أرجو احترام رغبتي مع احترامي لكل الصحافة المصرية ولكن الأخبار الغير حقيقية دي بتضعف موقفكم في يوم من الأيام لما الحقيقه تبان كل الاحترام والتقدير ليكي يا فنانه يا كبيرة وبعتذرلك مرة أخرى عن أي شئ اتحطيتي فيه".