الأحد، 23 يوليه 2023 - 02:02 ص

كشف الفنان أحمد فهمي عن المنافسه فيلمه "مستر إكس" لباقي أفلام موسم عيد الأضحى 2023، وذلك خلال إستضافته في برنامج "الحكاية" الذي يقدمة الإعلامي عمرو أديب، عبر شاشة MBC مصر.

أحمد فهمي: أفلام العيد كلها كانت كبيرة

وقال أحمد فهمي: "أفلام العيد كلها كانت كبيرة ودا أول مرة يحصل في العيد ولو في فيلم واخد إيرادات كبيرة لازم تعرف واخد كام شاشة عرض".

اقرأ أيضا: محمد أنور: أحمد فهمي وهنا الزاهد «زي العسل».. وما يتردد حول الانفصال شائعات

وبسؤاله عن إيرادات فيلم "تاج" لتامر حسني، قال: "نجم كبير وعلى راسي، وكذلك كريم عبد العزيز ولما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير".

وقدم أحمد فهمي الشكر للمنتج أحمد السبكي قائلا: "مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدًا، ويبقى نقلة لينا كلنا على مستوى الصورة، وطول الوقت بيخاف على الصناعة وهو اللي كان بينتج أفلام وقت الثورة".

أبطال فيلم مستر إكس

فيلم "مستر إكس" بطولة أحمد فهمي، هنا الزاهد، أوس أوس، بيومي فؤاد، محمد أنور، محمود حافظ، رحاب الجمل، أمير شاهين، قصة أماني التونسي، وفكرة محمد سويلم وفادي أبو السعود، إخراج أحمد عبد الوهاب.