الثلاثاء، 25 يوليه 2023 - 11:52 م

مفهوم "رقابة" و "قيم العائلة" غريب ومطاط وفيه تيار منظم على السوشيال ميديا  بيحاول يفرض علينا وصاية

الشعب المصري  بيحب البهجة وبيدور عليها والتيار المتزمت خلاه يتكسف من أحلى حاجة فيه

ليه بقينا نتكسف من فيلم فيه أغنية ورقاصة ؟ في فرنسا كانوا بيسألوني  عن ليلى مراد وسامية جمال

عبر المخرج يسري نصرالله عن سعادته بالتكريم في الدورة الـ 45 من مهرجان القاهرة السينمائي، المقرر عقده في نوفمبر المقبل، ومنحه جائزة الهرم الذهبي التقديرية لإنجاز العمر، تقديراً لمسيرته السينمائية الحافلة، قائلاً : " سعيد بالتكريم في ظل ظروف السينما   الراهنة فإن تكريم السينمائين  يدل أننا متمسكين بصناعة تواجه مصاعب لكنها تقاوم ولكنها موجودة ".

اقرأ أيضاً - هيفاء وهبى بإطلالة مبهرة في أحدث جلسة تصوير

تابع خلال لقاء خلال برنامج "كلمة أخيرة" على شاشة ON :" صناعة السينما تواجه عقبات محدودية السوق إرتفاع التكاليف في ظل إرتفاع الاسعار العالمي واي فيلم بيتعمل الان هو نوع من الانجاز".

 أكمل : وجود صناعة قادرة تكمل  رغم الصعوبات وهذا يسعدني منذ عام 2011  ولما كنت بلاقي فيلم بيتعمل  أثناء  تلك الظروف بفرح في ظل صعوبة الحصول  على التراخيص والرقابة المتشددة وبقى عندنا حاجات  غريبة  زي قيم العائلة  المصرية وهو مفهوم مطاط سواء داخل الرقابة المؤسسية أو في عقول المجتمع  عندما تحدث عن تيار شدديد التزمت  مدعي الوصاية على المجتمع المصري".

واصل : "أنا عارف شعبنا كويس وعندي 71 سنة وشعبنا بيحب البهجة وبيدور عليها وبيدورعلى الحاجة الحلوة رغم وجود تيار مجتمعي عاوزنا نتكلم بطريقة ونعيش بطريقة اخرى".

وشدد أنه ضد تصنيفات الافلام تجارية أم خلافه  لكن السينما تواجه صعوبات، قائلة " السينما بقت خايفة، في أوقات كتيرة الافلام بتتكلم عن  مشكلة عايشتنها بس طول الوقت في حالة خوف أنه يعمل الفيلم وتترفع قضية  بشعار هدم قيم الاسرة ولكن أنا شايف أكبر تهديد للقيم هو الخوف من الوصاية ".

وحول رقابة المجتمع قال : "لو بصينا على السوشيال ميديا لايمكن أن يعكس مجتمع دي ناس منظمة عشان تعمل كده وحضرناها وشفناها ومرة أنا كتبت  أن السينما تعاني من  أزمة من وقت ماتخلنا من المغني والراقصة اللي كانوا بيسالوني في فرنسا عن سامية جمال والرقص وأفلام مصر الغنائية أيام ليلى مراد بزعل".

إسطرد: "ليه بقينا بنتكسف لما بنشوف أغنية ورقاصة؟ رغم أن أفلام مصر زمان  حلقت في الخارج وكانوا بيسألوا على نجومنا ليه مرة واحدة أفشنا ؟ السبب الهجمة الوهابية الي خلت الناس تتكسف من أي حاجة حلوة فيها"

أتم : "أنا عشت كل المراحل دي وشفتها وعارف المصريين كويس التيار  المتزمت منظم "