الخميس، 03 أغسطس 2023 - 11:10 م

أكدت الفنانة بدرية طلبة، أنها تعتمد على ابنتها في تدبير أمور المنزل، موضحة أنه أصبح لا يوجد رفاهية لشراء أشياء زيادة عن حاجة المنزل.

اقرأ أيضاً .. بدرية طلبة: في ممثل قطع رزقي ومشاني من أعمال كتيرة.. كان بيخاف أكل منه الجو

وقالت بدرية طلبة  في مقدمة برنامجها "من غير نفسنة" الذي تقدمه مع الفنانة انتصار ونوليا، عبر شاشة قناة "هي": الأول كنت أنزل أجيب طلبات بيتي، ولكن دلوقتي بناتي اللي بيروحوا، والأسعار زادت شوية بقيت الحاجات كل كام يوم مش طلبات الشهر، وكل واحدة تقدر تدبر نفسها، ومبقاش في رفاهية نجيب زيادات.

وتابعت بدرية طلبة: طالما أنا مش عارفة أدور الدنيا أخلي زوجي العزيز يدير الدنيا، والناس دلوقتي بقت واعية وعارفة أن في غلاء جامد ومبقتش تشتري زي الأول، الدنيا هديت شوية.

وأضافت: "في جيران تلاقيها حالتهم زنقت شوية، إيه المشكلة في الظروف اللي إحنا فيها دي يساعد اللي حواليه؟ الأكل اللي بيفيض".

‎"من غير نفسنة" برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.