الإثنين، 07 أغسطس 2023 - 05:44 م

حلت الفنانة سحر رامي ضيفة في حوار تلفزيوني مع الاعلامية انجي هشام في برنامج المنسي عبر قناة "هي". 
وتحدثت سحر رامي عن كواليس انتاجها لفيلم " كابوريا" قائلة:« مكنش انتاجي لوحدي كان انتاجي أنا وحسين، ولما جينا نعمله مكنش معانا رأس مال فظيع والارقام مكنتش زي النهارده الأجور كانت بسيطة اوي لو قولتلك الأجور زمان كانت كام أحمد زكي ورغدة اللي كانوا واخدينها مش هتصدقي أنا عندي الورق»

وأضافت :«مبصدقش أن الفيلم نجح الفيلم نجح جدا وعمل نقلة في استخدام المجاميع في السينما وهاجمونا ساعتها والأغنية نجحت اوي وأحمد زكي كان في احلى حالاته ورغدة كانت رهيبة  وانا مكنتش هعمل الدور كان في اتفاق أننا هنعمل جروب فني لكن مش همثل، لكن لما جينا انتجنا خيري بشارة أصر اني هعمل الدور وقال لحسين مالكش دعوة ومكنش معانا فلوس كتير كنا عايزين ننجح مش هنتهاجم.

الفنانة سحر رامي 

يذكرا ان شاركت الفنانة سحر رامي  في العديد من المسلسلات الدرامية منها، هوانم جاردن سيتي الجزء الثاني، وأدرك شهريار الصباح، اللى معاه قرش، يوم عسل يوم بصل، لا للزوجات، زوج بالإكراه، وقدمت عدد من المسرحيات أيضا منها، البعبع، مين ضحك على مين، وكان لها نصيب في مشاركة النجم عادل إمام من خلال مسرحية "الزعيم"، ولكنها انسحبت بعد ذلك وحلت مكانها الفنانة منال سلامة.