الأحد، 20 أغسطس 2023 - 06:11 م

حقق الهضبة عمرو دياب نجاحا كبيرا في حفل لبنان الذي أحياها، أمس، وتصدر مواقع التواصل الاجتماعي ومنصات السوشيال ميديا.

ونشر الملحن محمد يحيى صورة تجمعه مع الهضبة عمرو دياب، الذي تعاون معه في معظم أغانيه وعلق قائلا: "حفله عمرو دياب في لبنان اسطوريه وتشرف، ومهما هتكلم عن عمرو دياب مش هخلص كلام من بدياتي معاه من سنه ٢٠٠٢ لما صدق موهبتي وانا عندي ٢١ سنه وكان داعم ليا نفسيا مش هقولكم احساسو وايه وتعبيرات وشه وفرحته لما بيسمع لحن حلو بيبقي طفل منساش ريحه الحبايب لما سمعها مني في الاستديو وكان ناقص ياخدني بالحض وانا اصلا متردد وخايف اسمعها، لا متعجبوش وقعدت ادندنها جمبه بصوت واطي فجاه قالي ايه دي علي صوتك وسمعني موقف لن انساه وفي الاخر طار بيها، عشان مطولش عليكم نجاح عمرو دياب جاي من احساسه دايما انه معملش حاجه ودايما عنده طمع انه يكمل.. اخيرا البوست ده من قلبي في حب عمرو دياب الملهم والاخ والصديق".

أشهر أغاني الهضبة والملحن محمد يحيى

وتعاون أيضا مع الهضبة في أغانى "اللوك الجديد، وانا يالاء، ولو اتساب، وخلينا نشوفك، ويدق الباب، وريحة الحبايب"، وغيرها من الأغانى التي حققت نجاحات كبيرة.

وتعاون الملحن محمد يحيى في مشواره الغنائى مع عدد من النجوم منهم عمرو دياب ومحمد حماقى واليسا وجورج وسوف وراغب علامة وامال ماهر وتامر حسنى وبهاء سلطان وغيرهم.