الأحد، 27 أغسطس 2023 - 08:49 م

تحدث الفنان حسن فؤاد عن كواليس لقائه بالموسيقار الكبير عمار الشريعي، قائلا: "بتيجي سيرة عمار الشريعي هنتكلم عن وجدان أمة عمار الشريعي شكل وجدانا مش الوجدان المصري بس، الوجدان العربي، عمار الشريعي ده معنى الدراما الموسيقية، أنا دايما بقول عمار الشريعي راح وخد معاه الدراما".

وأضاف "فؤاد" خلال تصريحاته مع الإعلامية إنجي هشام في برنامج "المنسي" عبر قناة "هي": "مسلسل أرابيسك دا كان بيقراه ورقة ورقة مين يعمل كده دلوقتي، علشان يشوف توحيدة الموسيقى بتاعتها هتكون عاملة إزاي، وأم حسن وحسن ارابيسك هيعمل ايه، كل دول لازم يعرف شخصياتهم في المسلسل علشان يترجم ده موسيقيا".

وتابع: "أول حد اتعرفت عليه كان مأمون الشناوي، كان أول واحد سمعني وأمن بيا أنا كنت محظوظ جدا، الأستاذ مأمون لما سمعنى قدمني لمجدي العمروسي مجدي العمروسي يعني عبد الحليم يعني صوت الفن يعني حكاية كبيرة وتاريخ طويل، ومن الأستاذ مجدي العمروسي قابلت بليغ حمدي كان مبدع وعبقري وقالي هقدمك في أول حفلة لكن يشاء ربنا أنه يتعب ويتوفى وبعدهاأ روح للموسيقار كمال الطويل".

وختم حسن فؤاد قائلا: ":قابلت كمال الطويل وشوفته وهو بيلحن وشوفت البني الدم الضخم اللي كان بيتحول لطفل كان بياخدني من إيدي يقولي يلا نلحن وشوفته وهو عايز يولد جملة لحنية وحصل خلاف ومشتغلش معاه وقولت للأستاذ مجدي العمروسي أنا عايز الموسيقار عمار الشريعي، أنا اللي اخترته راح قاله فيه صوت هيجيلك روحتله وأنا مذاكر تاريخه وقعدت جمبه ٣ سنوات وأول حاجة عملتها كانت احتفالات أكتوبر، وفي مرة قولتله ما ترشحني في أي تتر مسلسل رمضان جاي قالي هشوف وبعدها اخترني لأرابيسك".