الإثنين، 28 أغسطس 2023 - 01:35 م

تحدث الفنان خالد محمود عن فكرة امتلاكه لروحانيات قائلا: '"الروحانيات دي قعدت معايا فترة من الزمن وقعدت تكبر وتزيد وتتطور لحد ما خوفت وعلى طول افتكرت لو علمتم الغيب لاخترتم الواقع، هي كانت خاصة بالناس اللي قدامي علشان تبقى بس واضحة عند الناس لأن ممكن متبقاش واضحة  للي معاشهاش".

أضاف خالد محمود في تصريحات خاصة لبرنامج «المنسي» مع الإعلامية إنجي هشام في قناة هي: "كنت مثلا لو قاعد معاكي متعرفيش تكدبي عليا وبتظهرلي الصورة الحقيقية اللي حصلت بالظبط، وأنا قاعد مثلا في البيت سرحان أبص ألاقي حد من أصدقائي جاب حاجة أشوف شكل الحاجة اتصل بيه يقولي عرفت منين اقولوا مبروك وربنا يباركلك وخلاص".

وتابع: "كنت لو انتي بتكلمي وسرحتي أعرف بتفكري في ايه ودي الحاجة اللي زعلان أنها راحت مني، إني اعرف الشخص اللي بيكدب عليا أو أعرف لو سرحتي ايه الحاجة اللي سرحتي فيها، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده".