الثلاثاء، 29 أغسطس 2023 - 03:00 م

كشفت الفنانة إيمي طلعت زكريا عن رأيها في تحضيرات الجزء الثاني من فيلم "حريم كريم" حيث كان والدها الفنان طلعت زكريا أحد أهم الأبطال المشاركين فيه.

وأضافت أن والدها كان يستعد لهذا العمل قبل وفاته قائلة: "بابا كان داخل يصور حريم كريم الجزء الثاني وقعدوا جلسات عمل مع المخرج علي إدريس ومصطفى قمر وكان بابا مبسوط جدا".

وأوضحت إيمي تفاصيل خلافها مع الفنان مصطفى قمر بسبب تصريحاته عن الفيلم، وذلك خلال استضافتها في برنامج فيس أوف على شاشة قناة هي، قائلة: "لما عرفت إنهم بدأوا يعملوا حريم كريم اتسألت من أحد الصحفيين إيه رأيك أن عمرو عبد الجليل بديل له أنا الكلمة استفزتني بصراحة وبعيدا عنه فنيا أنا بتكلم عن أبويا وقولتلهم طلعت زكريا ملهوش بديل كل واحد له مدرسته وحتته وعمرو عبد الجليل نجم كبير واشتغلت معاه وهو اللي مربيني".

وتابعت: "وبعدها كتبت بوست وقولت إن ليه مش بنبتكر حاجة جديدة طلع الأستاذ مصطفى قمر اللي شهادتي فيه مجروحة لأني بحبه جدا، بس هو قال كلام ضايقني جدا قعد يقولي دي مش هتحركنا وأنا شايف إن رأيها غلط، رديت وقولت يا أستاذ مصطفى متمشيش ورا كلام الصحافة واسمع مني أو كان يبقى فيه بينا تليفون ولكن محصلش أي تواصل منه خالص ولكن أكيد بتمنالهم يعملوا حاجة حلوة".