الأربعاء، 30 أغسطس 2023 - 11:08 ص

أعرب الفنان إسلام إبراهيم عن سعادته باستلام جائزة تكريم الفنان الراحل مصطفى درويش، مضيفاً: «بفرح لأن دي جائزة من الجمهور نفسه وده معناه أن الجمهور بيحب مصطفى لسه عالق في ذهنه».

وأضاف «إبراهيم» خلال مداخلة هاتفية ببرنامج «8 الصبح» المذاع على قناة «dmc»، أنه كان لديه شعور خليط بين الفرح والحزن، متابعاً: "كنت أتمنى إن مصطفى الله يرحمه يستلم الجوائز".

وعن كواليس مسلسل 100 وش التي جمعته بالفنان الراحل، قال: "كانت صعبة لأنه كانت أيام كورونا ودخلة رمضان، فكان مصطفى بيحب القهوة قوى وكان بيمشى بمكنة إسبريسو.. وكلنا كنا بنعقد معاه في الكرفان بنشرب معاه القهوة".

وأوضح أنه كان يلجأ إليه للمساعدة في تكوين رأي حول المشاركة في بعض الأعمال الفنية، مضيفا: "كنت بسأله في أي عمل متردد في المشاركة فيه.. كنا على صلة طول الوقت حتى قبل البوست الأخير الذي كتبه قبل وفاته".

وتابع: "الدنيا مش مستاهلة قوي الصراعات اللي إحنا بندخل فيها، بل محتاجة أن نأخد الأمور ببساطة.. مصطفى إدانا قلم على وشنا كلنا فجأة حد بكامل صحته وشهرته ونجاحه مبقاش موجود وفي نفس الوقت سايب أثر طيب الناس كلها بتفتكروا بيه وهو ده اللي بيفضل مش اللي هيفضل الإنجازات قد ما هيفضلك الحاجات الحلوة اللي بتعملها".