السبت، 16 سبتمبر 2023 - 04:50 م

فاجأت الإعلامية سلمى صباحي، متابعيها، بصورة من داخل العمليات، متحدثة عن صعوبة جراحة المخ التى خضعت لها مؤخرًا .

كتبت سلمى عبر حسابها الرسمي على موقع التواصل الاجتماعي “فيسبوك”، قائلة: النهارده فات ٢٠ يوم ع العملية.. ومش عارفه أنام ساعة على بعضها.. ماهو لما دماغك تتفتح و يتحط فيها جسم غريب متوصل بأنبوب لحد بطنك و يبقى عندك غرز في دماغك و في بطنك يبقى طبيعي ماتعرفش تنام.. لا تعرف تحط راسك على مخده ولا حتى تنام على جنبك".

وأضافت: "أنا غلطت في حق نفسي و دي رساله لكل أم.. ركزي مع نفسك خلي بالك من نفسك ماتطنشيش نفسك.. اول ما تحسي بتعب اكشفي من فضلك و اتطمني.. مش لازم تفضلي تستحملي لحد ما تقعي.. و متخليش حاجه تعصبك عشان آخرة العصبيه خطر كبير عليكي ، انا باوجه كلامي هنا للأمهات بالذات عشان احنا كلنا زي بعض".

اقرأ ايضا.. سلمى صباحي تخضع لعملية جراحية في المخ .. غدًا

واختتمت: "الفتره دي خلتني اعيد تفكير في طريقتي و احاول اني اكون أهدى و اخلي بالي من نفسي عشان اكون قادره اخلي بالي من ولادي.. كمان بصيت على النعم اللي ربنا ادهالي طول حياتي و أيقنت ان الابتلاء دايما ربنا بيدي معاه الصبر و التحمل.. ربنا عارف انا اقدر احتمل ايه و مقدرش احتمل ايه .. الحمدلله الحمدالله الحمدالله على نعمك الكتير يا رب.. انا بس نفسي انام".