السبت، 16 سبتمبر 2023 - 09:08 م

شن المطرب كريم عماد جابر الشهير بـ"الوايلي"، حملة من الهجوم على المطربة سمر طارق، عقب تعاونهم الآخير في تراك "عتمة" لمسلسل سفاح الجيزة. ونشر الوايلي تغريدة عبر حسابه الرسمي على موقع التواصل الاجتماعي فيسبوك، وجاء حديثه كالتالي:

"مساء الفل .. مبسوط ان سفاح الجيزة خلص وكنت مستنى اللحظة دى عشان أقول حاجة مهمة. دى آخر مرة فى حياتى هتعامل فيها مع سمر طارق لأسباب كتيرة جدا أولهم عدم الاحترافية والمهنية وثانيهم محاولاتها فى إنكار أى دور ليا فى أى حاجة لدرجة توصل إنها بتكدب كدب صريح فى الإنترفيوز لمجرد إنها تدى كريدت لنفسها على حاجة معملتهاش" .

وأضاف: "أنا وأنا بكتب دلوقتى حسيت إن كمية المواقف إللى مش لطيفة إللى هى كانت السبب فيها أو الإدارة بتاعتها السبب فيها على مدار السنة إللى فاتت كلها سواء فى تراك لو بتاع الهرشة السابعة أو عتمة كتيرة أصلا على إنى أشرحها أو اتكلم عنها .. فا هكتفى بأنى أحذر صحابى البروديوسرز منها وخلاص .. وبجد بتمنى الظروف متستدعيش أقعد أحكى كل موقف حصل فيه أيه عشان مش دا إللى حابب أكون بضيع وقتى فيه الفترة الجاية ".

اقرأ أيضاً| غادة عبدالرازق: بحب قراءة تعليقات الجمهور.. وبمر بفترات اكتئاب مثل الجميع

مسلسل سفاح الجيزة يشارك في بطولته عدد كبير من النجوم والنجمات، منهم: أحمد فهمي، ركين سعد، حنان يوسف، باسم سمرة، صلاح عبد الله، داليا شوقي، جيهان الشماشرجي، وغيرها، والعمل من تأليف محمد صلاح عزب، وإخراج هادي الباجوري.