الخميس، 21 سبتمبر 2023 - 11:27 ص

كشف الفنان وائل علاء تعرضه للابتزاز على يد أحد المنتجين ومحامي، حيث استخدموا البطاقة الخاصة به في تزوير إيصال وبدأوا يساوموه.

قال وائل علاء أن سبب ابتعاده عن الأضواء هو تعرضه للابتزاز، حيث كشف أثناء استضافته في برنامج صباح البلد، الذي تقدمه الإعلامية نهال سمير على قناة صدى البلد: 'أنا موجود في المسرح لكن مش موجود في المسرح ولا تليفزيون ولا سينما، بسبب إني كنت بتعرض للابتزاز'.

وتابع: 'كان في منتج عمل تزوير وحاجات كانت معمولة أنا معرفش أي حاجة عنها، والحمدلله ربنا أكرمني واثبت إن أنا تمام وحاليًا باخد حقي قضائيًا، وهو منتج عمل عملين واختفى'.

واستكمل وائل علاء حديثه، قائلًا: 'اللي عملت عليا اللعبة دي بالاشتراك مع المنتج، هو محامي وخسارة يطلعله كارنيه محاماه لأنه معندهوش ضمير، وعمل اللعبة دي عليا وعلى ممثلة تانية، وهما استغلوا إن معاهم البطايق بتاعتنا عشان يعملوا بيها حاجات ويبتزونا بعد كده'.

وأضاف: 'أنا أول ما اتنصب عليا عملت محضر بالواقعة والقانون جابلي حقي واتحكم عليه، لكنه هربان حاليًا، وكان عشان يساومني جابلي محامي وزوروا إيصال عشان يبقى في قضية منهم ضد قضية مني ويبدأ يساومني، ومن كرم ربنا إني عرفت بده من البداية والمحامي بتاعي عمل حاجة اسمها محاكمة استئنافية'.

واختتم حديثه، وقال: 'وقت ما اتنصب عليا، قولت حسبي الله ونعم الوكيل لكن بعدها سمعت خبر وفاته والراجل ده توفى لكن في ناس تانية هتتحاسب والمحاميين اللي زوروا واستخدموا بطاقتي مش هسيبهم'.